Mark 9:50 - Sümi Tiqhelimi Bible

⁵⁰ “Amitì ye aloe, ikemu amitì no aküqhü kühave aye tiye kíshi no itaghi qhü kitheluve nani kea? Nongu dolo amitì küqhü toi alo, eno lakhi no lakhi sasü alokughuno shikile alo.”

BAIBEL (BSI)

⁵⁰ Amtiye qhiqhumzayi keu kuhave aye, nonguye tipau kishi qhumzai kitheluni kya? Nongu likhi nongu lolo akuqhu alo, eno lakhino lakhi sasu alokughuno shikile alo.

Sumi Naga CL (Re-edited) Bible (BSI)

⁵⁰ Amti ye aloe, ikemu amti no aküqhü kühave aye, nongu ye kishino tipau qhümzai kithelu nani kea? Nongu lolo amti küqhü alo, eno lakhino lakhi sasü aloino alo.

Mark 9:50 ပူးပေါင်းရင်းမြစ်များ

MATTHEW 5:13

“Nongu ye ayeghilomi ghenguno amitì ke. Ikemu amitì no aküqhü kühave aye tiye kíshi no itaghi qhü kitheluve nani kea? Khalau peleve no timi no qodave nike kumo aye, tiye kiumu avehupu kühavae.

Mark 9:34

Ikemu panongu ye inaqhoi ngove, kughengu panongu ye panongu dolo khuu no akijeu keno tipau kütsala cheke.

Mark 9:49

Kughengu amitì no vepüqhü ketoi ami pesü timi kümtsü pitiqhi nani.

Rommi 12:18

Eno tolu ke thaqhülo O shelo timi kümtsü sasü külashi ghi xülo.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Ephesiami 4:29

Nongu kichí lo shiküpüsa tsa kiumu ipeghi pe kevilo, ikemu kütami no avehupu shi akeu kiqi lono kiu no panongu shiqhepukulu nani keno tilikhi pilo. Tishilu keu vechewo khunoqo nongu kükütsü ini ani keno tipaqo pelo alá shilu peniye ke.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

Kolosiami 4:6

Nongu tsapi lo alhokuthu küpükini no chhitoi shi no jumghai shilo, tishianguno nongu ye kíshi timiqo kümtsü khochilelu moayesa keno ithi peniye ke.

1 Thes. 5:13

Panongu kümlà ghenguno kikimiye lono qhoqhü ghi akiqheu-a lo panongu qhilo. Külakishi lono lakhi no lakhi sasü xülo.

2 Tim. 2:22

Lhothemi shi akelo küsakügha kümlà shinishi chekeu lono pove lo eno amlo kimthe shi no Ampeu vilo khu chekemiqo gholo küqha no achipiumikucho, aküpülü, kikimiye eno aloino keu phulo.

IBRIMI 12:14

Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.

James 1:20

kughengu timi mlo kighide ye Alhou no achipiumikucho lunishi chekeu ipeghilu chemo ke.

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.