Mark 9:31 - Sümi Tiqhelimi Bible

³¹ kughengu pa ye pa khopemiqo kütsü ake. Panongu vilo pa no ishi pi, “Timi Nu ye ikhipe pesü timiqo u lo sǘve tsüní cheni. Panongu no pa pìthíve nani, eno atsala aküthüni lo pa ye xülethuve nani.”

BAIBEL (BSI)

³¹ Pano pa khopemi vilo ishi pie, “Ni Timi Nu ye kughasawo timiqo ulo suvetsu nani, eno timiqono pa pithive nani; tishinamu atsala kuthu thiu paye xuthughive nani.”

Sumi Naga CL (Re-edited) Bible (BSI)

³¹ kughengu pa no ishi akhopemi kütsüshika che, “Timi Nu ye küghape timiqo u lo phesüve tsü nani. Panongu no pa pithive nani, eno atsala küthü thiu pa ye ithughive nani.”

Mark 9:31 ပူးပေါင်းရင်းမြစ်များ

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

MATTHEW 26:2

“Nongu no ithi akeu toi, Hechekulu ghulhu shini keu atsala kini likhivea eno Timi Nu küghape yeda pìthíve penike ikhiphe pe tsüve nani.”

MATTHEW 27:63

Panongu no pi, “Akijeu, ningu no kümsülu akeu ye, timi pishikiqhiu hupau no xüakelo, ‘atsala küthü thiu ni ye xülethuve nani,’ ipi ake.

Mark 10:34

Jewkumomiqo no pa thaigha püzü amití pesü pa shou müsüte puku nani eno pa heqhi no pìthíve nani. Eno pa ye atsala aküthüu lo xülethuve nani.”

Mark 8:31

Tisheno Jisü no akhopemiqo vilo Timi Nu ye aghime jeli ithulu moayesa keu eno kichimi, achinetomi eno ayeza kükütsümiqo no pa milive nikeu eno pa ye pìthíve moayesa nikeu eno atsala küthü thiu ye xülethuve nikeu pesü kütsüe.

Mark 9:12

Jisü no khochile, “Kuchou no Elijah paghi ighi püzü thowkha kümtsü kutò pe qhive ke. Tishimu kushiye Timi Nu ye shishe ghimeqhi eno jukünathave moayesa keu shi yèpüani kea?

Luke 24:26

Messiah ye hipaqo kümtsü ime no pa juküvü lo ilo nikeu shike kumo keshea?”

Luke 9:44

“I no kiu pi niye ani keno tsaqüi inilo: Timi Nu ye ikhiphe pesü timiqo u lo sǘve tsüní cheni.”

John 10:18

Khunomu I lau no aküxü ikhiluve mülae, ikemu I no I ghò shi no ikhiphe pe tsüve anike. Ni ye ikhiphe pe tsü nikeu ngò ikhi chileluve kepu kükagha anie. Ni ye I pù lau no azakütsü hipau ithulu ke.”

John 2:19

Jisü no panongu khochile, “Achineki hipau kuboleve lo. I no atsala küthü dolo no itaghi hipau müla pukuve tsü nanie.”

John 3:14

Moses no küghünamokeu-a lo apighi ikhiqhe puku keu hutoi, Timi Nu ghí ikhiqhe puku moayesa nanie,

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;