Mark 9:20 - Sümi Tiqhelimi Bible

²⁰ Ikehu panongu no pa lau apú saighi. Kughou mithekumo ghungu no Jisü ithulu keno, paikhavi pa no anu tipau phimpi süküghütha no vepuwuve. Apú hu no ayeghi lo ikiqive eno homüxa ilu auve, tisheno akichi lono amtsazü mlaghoghoi ipeghive.

BAIBEL (BSI)

²⁰ Panonguno pa sasu Jisu lau ighi. Tughakusano Jisu ithulu kemtsa itimi hu sukughuthauve eno paye ayeghi shou iluqi puzu pidepukhu ihiuve eno akichilo amtsazu mlaghoghoive.

Sumi Naga CL (Re-edited) Bible (BSI)

²⁰ Panongu no anu sasü pa lau ighi, eno kughou aghawu no pa ithulu keno, paikhavi no anu tsüqüpe sükuchoqhi thuve, anu ye ayeghi lo ikiqive no akichi lono mlaghubei püzü ihi thuve.

Mark 9:20 ပူးပေါင်းရင်းမြစ်များ

Mark 1:26

Mithekumo ghungu no ayiküsa shi timi hu sükuchoqhi püzü pa lolo no igha ghi ipeghive.

Mark 9:18

Kugho-kughomu tipau no pa tsüqüluve aye, tino ayeghi lo pa kuluqhive acheni. Eno akichi lono amtsazü mlaghoghoive no pa hu tsüghü-bubushi no pa phimpi ye chochikaghaive chenie. I no O khopemiqo vilo mithekumo ghungu hapheve tsülo ipi iniju, ikemu panongu ye haphe mülave ke.”

Mark 9:19

Jisü no khochile, “Nongu pülükümla tiqhelimiqo, ni ye khitohi nongu sasü anani kea? Eno ni ye khitohi nongu gholo ache nani kea? Apú I lau sasü ighilo.”

Mark 9:21

Jisü no anu papù vilo iniju, “Apú ye ado khitohi ishi ighivea kea?” “Itimi shi aphi lonomu ke,” ipi pa no khochile.

Mark 9:26

Mithekumo ghungu hu no muqhumüza igha püzü pa phimpi paküta keu shi süküghütha no ipeghive. Apú phimpi ye asükumo toi ithulu auve kehu timi kutomo no pi, “Pa ye thivea keshea?”

Luke 4:35

Ikemu Jisü no müghachhoi pa lomipi: “Inaqhoivelo! Pa lau no ipeghivelo.” Tishi kemtsa tüghaküsa no panongu kümtsü zülo no timi hu tukuluqhive püzü kiumu ghüza keu shimo no pa lau no ipeve.

Luke 8:29

Jisü no mithekumo ghungu vilo timi lau no ipeve penike azah tsüe. Kughengu ghuthu kutomo aghawu hipau no pa tsüqüluve che eno ayikichhe no pa phi-au tshüve no khekuto anamu, pa ye ayikichhe kighiqo ghí süthave no tüghaküsa no hasasü aghasaqo lo wuve che.

Luke 9:39

Aghawu lakhi no pa tsüqüluve cheni eno pa ye zülile no igha ipeghi acheni; tino pa süküghüthaqhi keu lono pa kichí lo mlaghubeive cheni. Hipau no pa phetsümo püzü pa shipüsa auvae.

Luke 9:42

Anu no Jisü lau chephi lono mithekumo ghungu no süküghüthaqhi no ayeghi lo pa tukuluqhive. Ikemu Jisü no tüghaküsa ghawu lomipi no anu ye shipivive püzü papù lau puwuve.

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.