Mark 8:34 - Sümi Tiqhelimi Bible

³⁴ Tisheno Jisü no pa khopemiqo gholo aqokitikhi ghí ku no ishi pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

BAIBEL (BSI)

³⁴ Tithiu Jisu no pa khopemi gholono timi aqokitikhi ku, eno panongu vilo pi, “Timi khuno igholo ighini keno pa likhi pa ghili kumsumave puzu paw kros xapuno ipape masae.

Sumi Naga CL (Re-edited) Bible (BSI)

³⁴ Tithiu Jisü no akhopemi gholono aqokitikhi pa lau kukütsü no pi, “Khuana no I papenishi aye pa ye pa ampi milive no paw kros xapu I pape masae.

Mark 8:34 ပူးပေါင်းရင်းမြစ်များ

MATTHEW 10:38

Khuu no paw kros xapumo no I papeni keno I khopemi shiküzü kumoe.

MATTHEW 16:24

Tisheno Jisü no pa khopemiqo vilo pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

MATTHEW 27:32

Panongu no khalau wuche kelo, Cyrenemi lakhi Simon ipikeu sholu, ikelo ghüshimiqo no anguka lono pa pelo Jisü’w kros xapu pe.

Mark 10:21

Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

Mark 7:14

Itaghi Jisü no aqokitikhi vilo pa lau ighilo pi ku no ishi pi, “Kümtsü no I tsa inilo eno hi vethalulo.

Luke 13:24

“Tolu ke thaqhü kibikhoi keu khagho veche ilo nike pükapütsalo, kughengu I no nongu vilo pìní, kutomo no tile ilo nike shiju nani, ikemu shimla nani.

Luke 14:33

Tihutoi, nongu khukhumu nono aghí keu kümtsü phevemoni keno nongu ye I papemi shimlae.

Luke 18:22

Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”

Luke 20:45

Timi kümtsü no pa tsa ini akelo Jisü no pa khopemiqo vilo pi,

Luke 9:23

Tisheno pa no panongu kümtsü vilo pi: “I khopemi shinishi kemi ye pa likhi pa milive moayesa eno paw kros xapu no I pape moayesae.

John 10:27

iw ambeqo no I sütsa ini cheni; I no panongu ithi ani, eno panongu no I pape cheni.

John 19:17

Pa likhi paw kros xapusü Aboghe (Arameami tsau ye Golgotha ipi cheni) ipikeu-a lo wuve.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Rommi 6:6

Kughengu ningu no ithi akeu no ningu küxü aqau ye pa gholo yedaküqhavae, tishianguno axiné no qhasü pe achekeu phimpi hu ye shipühave peniye ke, eno ningu ye axiné qüaxe shipemove niye ke—

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

1 Kor. 15:31

Ni ye tsalà kipetsü akithí sholu acheni—iyei, tishimu ni ye kuchou no ningu Mpeu Khristo Jisü lono nongu lau kiu mülave tsü akeno tipau ghenguno I kijuvilei acheni ke.

1 Kor. 8:13

Tighenguno, I no kiu chu cheni keno tino I thiküzümi momu I chelimi pelo axiné lo ikiqi ilove pe aghí aye, ni ye khilemu akiniù ashi chumae, tishianguno I vechewo panongu pelo ikiqive pemo nike.

1 Kor. 9:19

Ni ye kuqhophevea eno khuu laumimu kumo kemu ni ye tolukivi thaqhülo timi kutomo Khristo lau sasü ighi nike ghenguno I likhi I pesü kümtsü qeu lakhi shivae.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 5:24

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Galatiami 6:14

Ningu Mpeu Jisü Khristo’w kros nguno alau ye I pelo kütau thime shou qheza pemo peniu, kughengu pa yeda pìthíve keu vechewo I no ayeghiqha lhoaye shinishi chekeu yedapithivae eno I lolo ayeghiqha lhoaye no shinishi chekeu yedapithivae.

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

FILIPIAMI 3:7

Ikemu I no kiu alá shilu püaghi namu Khristo ghenguno tipaqo ye adou kepi I no kümsüluvae.

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

2 Thes. 3:11

Nongu dolo khami ye akipichi shi xü acheni eno aküküpüna süghi acheni kepi ningu no chilu ani. Panongu ye pano kümlà ghenguno mighì acheni ke kumoe; panongu ye kütami kümlà lo chhosu keu no mighì acheni.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

IBRIMI 13:13

Tishiaye, ningu ghí küghüna chekeu nguno khalau pa lau wuni eno pa no jukünatha keu puluve keu küsajeni nolo.

1 Peter 4:1

Tighenguno, Khristo ye pa phimpi lo imeve ake ghenguno, nongu ghí titoi keu kükümsü athoshi pulo, kughengu khukhumu aphimpi lono ime keu ye axiné shichemoe.

1 Peter 4:13

Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

2 Peter 1:14

kughengu I no ithi akeu no ningu Mpeu Jisü Khristo no I vilo mütsümishei pìyeve ketoi, ni ye ado kushuwa kumo lo hipaqo akou qhive nani.

1 John 3:16

Kikimiye ye kiu keno ningu no hitoi ke ipi ithi acheni: Jisü Khristo no ningu ghenguno pa küxü tsüve ke. Eno ningu ye athiküzümi eno achelimiqo ghenguno ningu küxü tsü moayesa ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.