Mark 4:17 - Sümi Tiqhelimi Bible

¹⁷ Ikemu panongu ye akuhu qüsümo kehu, panongu ye ado ikhonhei likhi xü cheni. Kughou atsakiviu ghenguno aküpüna eno pishi-puju keu ighini keno, panongu ye paikhavi ikiqive cheni.

BAIBEL (BSI)

¹⁷ Ikemu pano thonhei quilo pemoe, ikehu panonguye ngopushulu chemo. Eno Atsa ghenguno kughou shilukusa eno shikighimekeu ighini keno, panonguye paikhavino ikiqive cheni.

Sumi Naga CL (Re-edited) Bible (BSI)

¹⁷ Ikemu pano lolo akuhu küha kehu ado hami ghengu likhi no acheni; eno kughou atsape ghenguno aghime kitikhi momu pishipuju ighini keno, panongu ye paikhavi no pheve cheni.

Mark 4:17 ပူးပေါင်းရင်းမြစ်များ

MATTHEW 11:6

Khukhumu I ju pesü lipimo kemi kümghae.”

MATTHEW 12:31

Ikehu I no nongu vilo pìní, axiné eno pipütha keu jeli kümtsü akipimí qhivetsü nani, ikemu Aghungu Kimthe pipütha keu kipimí ye qhitsümo nani.

MATTHEW 13:21

Ikemu panongu ye akuhu qüsümo kehu, ado ikhonhei likhi xü cheni. Kughou atsakiviu ghenguno aküpüna eno pishi-puju keu ighini keno, panongu ye paikhavi ikiqive cheni.

Mark 4:16

Kütami khami ye atusaye yeghi shou apitì vesü keu toi Alhou tsa chilukhavi alokivishi ikhilu cheni.

Mark 4:18

Tishimu kütami khami ye asahuli dolo apitì ikiqi ilove keu toi Alhou tsa chilu cheni;

Luke 12:10

Eno Timi Nu lachile keu tsa pi kemi kümtsü kipimí qhivetsü nani, ikemu khuno Aghungu Kimthe pipüthani keno pa ye akipimí qhitsümo nani.

John 8:31

Jisü no pa pülüluve kemi Jewmiqo vilo ishi pi, “Nongu no I kükütsü papelu aye nongu ye kuchou no I khopemiqo ke.

Galatiami 6:12

Khunoqo no timi lhoaye vechewo timi kütami pulou shinishi cheni keno panongu ye nongu pelo tsümomo aphighüyiko ghave peniye pükapütsa anie. Panongu no hipau shi akeu ye Khristo’w kros ghenguno pishi-puju keu lono müxüve nikeu ghengu likhi no ke.

2 Tim. 1:15

Asia bocho lo timi kümtsü no I qhive keu nono ithi ani. Tipau gholo Phygelus ngò Hermogenes pama ghí I qhive ke.

2 Tim. 4:10

kughengu Demas ye hipau yeghi lo thimeqo kimiyeve ke eno I qhive no Thessalonica lo wuvae. Crescens ye Galatia lo wuvea, eno Titus no Dalmatia lo wuvae.

2 Tim. 4:16

I likhi I saphu keu tsa kükügha atüghiu lo, timi khumu I saphuni ke ighimoe, ikemu kümtsü no I likhi qhive ke. Alhou pelo panongu shou nguku keu shipemoniu!

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.