Mark 14:12 - Sümi Tiqhelimi Bible

¹² Kholaqhi sümo keu Sho Tiqhitini tsalà atüghiu lo, kughou Hechekulu ghulhu kukhuaye lo akeu toi ambeti heqhi kepu shive keno, Jisü khopemiqo no pa vilo iniju, “No ye ningu pelo khile wu no O ghenguno Hechekulu ghulhu chuni keu kutokughoi aghí penishi ani kea?”

BAIBEL (BSI)

¹² Kholaqhi sumokeu sho pesu aghulhu shikeu tsala atughiu lo Judamino Hechekulu libe ghenguno bheriti heqhi cheke tsalani, akhopemino Jisu vilo iniju, “Noye nipelo khile wuno Hechekulu libe chunike kutolo pikya?”

Sumi Naga CL (Re-edited) Bible (BSI)

¹² Kholaqhi Sümokeu Sho Ghulhu tsala atüghüu lo, akhuaye lo toi Hechekulu mbeti pesü agha shiniye akelo, Jisü khopemi no pa vilo iniju, “No ye ningu pelo khile no Hechekulu ghulhu kutotsü penishi ani kea?”

Mark 14:12 ပူးပေါင်းရင်းမြစ်များ

MATTHEW 3:15

Jisü no khochile, “Itehi ghengu ye ishi aghivelo; achipiumikucho kümtsü shikupu nike ghenguno hipau shikeu no achipi ke.” Tile no John no pulove tsü.

Mark 14:1

Hechekulu ghulhu eno Kholaqhi sümo keu Sho Tiqhitini ikhiluni keu atsala kini likhi akelo achinetomi eno ayeza kükütsümiqo ye tuqhou no Jisü küghaluve no pìthíve niye kuchughu ae.

Mark 14:11

Achinetomiqo ye ti chilu kelo alokiqi shive eno pisa pa tsü nikeu shi tushoqhive. Ikehu Judas Iscariot ye Jisü pesü panoqo u lo phesüve tsü niye adokivi miqeauve.

Mark 14:13

Ike pa no ishi pi püzü akhopemi kini puwu, “Mishighüna lo ilolo, eno nongu no timi lakhi alikoli lo azü xapusü nokujo sasü kusho nani. Pa papesü wulo.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,