Mark 13:22 - Sümi Tiqhelimi Bible

²² Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

BAIBEL (BSI)

²² Kughengu kichileu Mesiya ngo kichileu tungkupmi ipeghi nani. Eno tokulupu shiaye Alhou no pukhavekemi ghi sakughuzu sawuni kehu panonguno amchipu ngo akumzapu shipiye nani.

Sumi Naga CL (Re-edited) Bible (BSI)

²² Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Mark 13:22 ပူးပေါင်းရင်းမြစ်များ

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Mark 13:21

Tipau süchedo lo tsalá khiuala no O vilo, ‘Julo, Messiah hi chenie!’ momu, ‘Pa ye hu cheni!’ ipi aghí namu ti pülü kevilo.

Mark 13:23

Ikehu nongu likhi nongu khekuto alo; I no thowkha ashe-azü shi nongu vilo pive anie.

Mark 13:6

Kutomo no, ‘Ni ye pa ke,’ ipi no I je lono ighi püzü kutomo pishiqhive nani.

John 4:48

Jisü no pa vilo pi, “Nongu ye amichipu ngò akümzapuqo ithulumo kelo ye khilemu pülümo nani ke.”

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

1 John 2:18

Kimiye chekemi anuliqo, hiye ashekhau tüqhüdo ke; eno Khristo lakichilemi chekeu nongu no chiluve keu toi, itehi ghí Khristo lakichilemi kutomo ighivae. Hitoi keu no ashekhau tüqhüdo kepi ningu no ithi nani ke.

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

1 John 2:26

I no nongu lau thime hipaqo yè akeu ye khunoqo no nongu saküghüzü niye pükapütsa ani keno panongu ghili yè anike.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.