Mark 13:11 - Sümi Tiqhelimi Bible

¹¹ Kugho-kughomu nongu küghaluve no atsa kükügha-a lo süghi kelo, kiu pi nani keno azüu no amlosa kevilo. Ado tipau lo O lolo müzüsütsü keu likhi pilo, kughengu tiye nono pi anike kumoe, ikemu Aghungu Kimthe no pi anike.

BAIBEL (BSI)

¹¹ Kughou timino nongu kughasawo atsakughani keno, nonguye kiu pini kela pi azuu no amlo thoghu-thoghuyi kevilo; ikemu tipa tuqhudo lono kiu pesu nongu tsuni keno ti pilo, kughengu nonguno kiu tsa pini keno tipaqoye Aghungu Kimthe launo ighi nani.

Sumi Naga CL (Re-edited) Bible (BSI)

¹¹ Kughou nongu küghape akughu shive niye atsakükügha lo sawuni keno, nongu ye kiu pinia pi azüuno amlo kütakihi kevilo, ikemu tipau süchedo lono kiu kiumu o tsükeu pesü pilo, kughengu nongu no kumoe, ikemu Aghungu Kimthe no atsa pi nani.

Mark 13:11 ပူးပေါင်းရင်းမြစ်များ

MATTHEW 10:17

Nolikhi nongu khekuto alo; nongu pesü no-a lo mijetsümiqo u lo sǘve no synagogqo lono nongu heqhi nani.

Mark 13:12

“Athiküzüu no athiküzüu thechu shive no pìthíve nani, eno titoi apù no anu lau shi nani. Anuliqo no panongu pù-aza mjochile nani eno panoqo pìthíve nani.

Mark 13:9

“Nongu ye nolikhi nongu khekuto amoayesae. Nongu pesü no-a lo mijetsümiqo u lo sǘve no synagogqo lono nongu heqhi nani. Eno I je ghenguno nongu ye angh eno kükamiqo zülo puthugho no panongu lau I shepe shi nani.

Luke 21:12

“Hipaqo kiumu shimphi lono panongu no nongu küghaluve püzü pishi-puju nani. Panongu no nongu kügha pesü Synagog tsakükügha-a lo tsüve no akughuki lo sǘve nani, eno I je ghenguno nongu sasü kükami ngò anghqo zülo sawu nani.

John 3:27

Ike John no khochile, “Timi lakhi ye kungugha lono kiu tsüvea keno tilikhi ithulu nanie.

Apostolmi 2:4

Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Apostolmi 4:31

Panongu no akighini shive kethiu, khilehi panongu no kuho akeno tipau-a sükinie. Eno panongu kümtsü Aghungu Kimthe no chhitoive no amlo kumto shi Alhou tsape shie.

Apostolmi 6:10

Ikemu panongu ye pa no Aghungu no alokütsü pa tsü no piakeu lo puthugho no ghechile mülave.

Apostolmi 6:15

Jewmi Hoho ki lo iqa akemi kümtsü agi süküqümo no Stephen gi lo jupuku, eno panongu no kungumi gi toi pa gi ithulue.

Apostolmi 7:55

Ikemu Stephen ye Aghungu Kimthe no chhitoi shi püzü atsütsǘ lo jupuku no Alhou juküvü ngò Jisü no Alhou u ajeu puthugho akeu ithulu.

1 Kor. 2:13

Ningu no piche keu ye hike, timi lokütsü no ningu shika keu tsaqo lono kumoe ikemu Aghungu no ningu shika keu tsaqo vechewo ke, eno Aghungu no shika keu tsaqo vechewo aghungu küxüw kuchouqo hepho-piye cheni.

Ephesiami 3:5

tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.