Mark 10:22 - Sümi Tiqhelimi Bible

²² Atsa hi chilu kelo timi hu ye agi zümoi pishiqholuve. Pa ye amlo saqhiyi wove, kughengu pa ye amheghi kutomo akemi ke.

BAIBEL (BSI)

²² Tipau pikeulo timi huye pagi khummuyive eno pa mlo ghimeshi wove, kughengu paye ighono kinimike.

Sumi Naga CL (Re-edited) Bible (BSI)

²² Hipa tsa no anhü thizümüipe pa ye agi khümüi wove, kughengu pa ye akini kütsasa acheke.

Mark 10:22 ပူးပေါင်းရင်းမြစ်များ

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 19:22

Kughou apumi hu no hi chilu keno, pa ye amloküsa shi wove, kughengu pa ye ighono kiními ke.

MATTHEW 27:3

Judas khuu Jisü thechu shive keno, pa ye kughou Jisü shou küghathabeve keu ithive keno, pa no shipimive keu lo amlo kütakihive eno tsandiyi shighi pesü wu no achinetomi eno kichimiqo lau pechilesü ighi.

Mark 10:21

Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

Mark 10:23

Jisü no homüxa ghi ju no pa khopemiqo vilo pi, “Kiními lakhi no Alhou kükaphu lo ilo nikeu ye kiutoi kushokütsü kea!”

Mark 6:20

kughengu Herod no John ye amikuchomi eno akimthemi lakhi kepi ithi no pa sümsa eno süsho acheke. Kughou Herod no John ghili chilu keno pa ye ighono avehuizüve; tishimu pa ye John tsa ini nishive.

Mark 6:26

Akükau ye ighono amloküsa shive, ikemu pa shoqhi eno avelau ghulhu lo kusüpüa kemiqo ghenguno pa ye li no khu akeu mili keu shini shimove.

Luke 12:15

Tisheno pa no panongu vilo pi, “Jukuto lo! Alakimine jeli kümtsü lono O likhi O jukuto lo; aküakini nibonilei pighi auve keu no aküxü kumo ke.”

Luke 18:23

Ikemu kughou timi hu no hipau chilu keno pa ye shishe amlo save, kughengu pa ye ighono kiními ke.

2 Kor. 7:10

Alhou lau no ighi keu mloghime ye amlo pebidelu keu süghi cheni eno tipau no xakulu laghi lo sawu cheni eno kiumu kümsüchile akepu qhitsü chemoe, ikemu ayeghilomi ghola mloghime ye akithí süghi cheni.

Ephesiami 5:5

Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani.

2 Tim. 4:10

kughengu Demas ye hipau yeghi lo thimeqo kimiyeve ke eno I qhive no Thessalonica lo wuvae. Crescens ye Galatia lo wuvea, eno Titus no Dalmatia lo wuvae.