Mark 10:14 - Sümi Tiqhelimi Bible

¹⁴ Kughou Jisü no ti ithulu keno, pa ye aghaideve. Pa no panongu vilo pi, “Itimiqo pelo I lau ighi pelo eno panongu lakha kevilo, kughengu Alhou kükaphu ye hitoi kemiqow ke.

BAIBEL (BSI)

¹⁴ Jisu no kughou ti ithulu keno axuideveno pa khopemi vilo ishi pi, “Itimiqo pelo ilau ighi pelo, panongu lakha kevilo, kughengu Alhou yehkipeye itimi hitoikeqo wuke.

Sumi Naga CL (Re-edited) Bible (BSI)

¹⁴ Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

Mark 10:14 ပူးပေါင်းရင်းမြစ်များ

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

MATTHEW 18:4

Tighenguno, khukhumu itimi lakhi hipau toi aqhokigheu shiluve keu no kungugha kükaphu lo kümtsü nguno akijeu ke.

MATTHEW 19:14

Ikelo Jisü no pi, “Itimiqo pelo I lau ighi pelo, eno panongu lakha kevilo, kughengu kungugha kükaphu ye hitoi kemiqow ke.”

MATTHEW 5:10

Achipiumikucho ghenguno pishi-puju ache kemi kümghae, kughengu kungugha kükaphu ye panoqow ke.

MATTHEW 5:3

“Aghungu lo athokha shi ani ipi ithi kemi kümghae, kughengu kungugha kükaphu ye panonguw ke.

Mark 3:5

Jisü no pa mlo ide ghi ighowo panongu jupuwo, eno panoqo mlo kuthò ithulu no pa mloküsa shive püzü timi tipau vilo pi, “O u xachholo.” Pa no pa u xachho eno pa u ye kupukülai athoputholuve.

Mark 8:33

Ikemu Jisü no tsüghǜ ighino pa khopemiqo lau jupuwo no Peter lomipi. “I lau no chevelo Satan! O kükümsü lo Alhou lau no ighi keu kükümsüqo kumo püzü timi lau no ighi keu kükümsüqo likhi anie.”

John 3:3

Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

Apostolmi 2:39

Ashoqhi hu ye O ghenguno eno O tianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”

Apostolmi 3:25

Alhou no tungkupumi vechewo nongu pù-asü lau puloshoqhi shipepüa keu ye nongu ghí küsaje akemi ke. Pa no Abraham vilo ishi pi, ‘O nuli-kughuko vechewo ayeghi lo timi kümtsü mügha nani.’

Rommi 11:16

Tsalá asho kukunu amsüu pesü akümlagho shitsü keu no akimthe shi aghí aye asho kukunu kupuju akimthe ke; eno tsalá asübo kuhu no akimthe shi aghí aye alokaqo ghí akimthe ke.

Rommi 11:28

Jewmi kutomo no nongu jeku lono atsakiviu ghümi shivae, ike tipau kiqi lo nongu Jewkumomi no alá shivae. Tishiaghimu Alhou no panongu pù-asüqo kishelu keu ghenguno panongu kimiye acheni.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Kor. 7:14

Kughengu aküpülü küha keu akimi hu ye pa nipu küpülü vechewo Alhou lau ikhikulupu shini ake, eno titoi aküpülü küha keu anipu hu ghí li kimi küpülü vechewo Alhou lau ikhikulupu shini ake. Tishimo aye nongu nuliqo ye akimthe kumomi shini ake, ikemu tishilu keu vechewo panongu ye Alhou lau ikhikulupu shini ake.

Ephesiami 4:26

“Amloide namu axiné shi kevilo”: Atsala kupuju amloide auve kevilo.

2 Tim. 1:5

Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.

2 Tim. 3:15

eno no ye ití lono Kuchoyesü ithi anike eno tipau hu no O pelo Khristo Jisü shou pülü keu vechewo xakulu ithulu pe nikeu lokütsü O tsüke.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

Piyeküsü 14:5

Panongu kichí lo akimiki tsa piqhimoe; eno panongu ye tukutiye küha kemiqo ke.