Luke 6:26 - Sümi Tiqhelimi Bible

²⁶ Kughou timi kümtsü no nongu ye aloe ipini keno, nongu ghenguno ahaküsapue. Kughengu panongu pù-asüqo ghí tipaphi shi kichileu tungkupumiqo vilo piche ke.

BAIBEL (BSI)

²⁶ “Kughou timiqono nonguye aloe ipini keno nongu ghenguno ahasapue. Panongu puasuqo ghi tipaphi shi kichile tungkupmiqo vilo picheke.”

Sumi Naga CL (Re-edited) Bible (BSI)

²⁶ “Nongu khunono timi kümtsü no pipivi cheni keno ahasapue, kughengu timi tipaqo puasüqo ghi kichile tungkupmi lau titoi shiche ke.

Luke 6:26 ပူးပေါင်းရင်းမြစ်များ

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Luke 6:25

Nongu itehi chhikhoi akemiqo ghenguno ahaküsapue, kughengu nongu ye müzüthi anani. Nongu itehi nu akeqo ghenguno ahaküsapue, kughengu nongu ye mloqa eno anhezü-piji nani.

John 15:19

Nongu no ayeghiqha’w shi aghí aye ayeghiqha ye paw toi nongu kimiye nani. Nongu ye ayeghiqha’w kumoe, ikemu I no ayeghiqha lau no nongu kishepheluvae. Tighenguno ayeghiqha no nongu mithi ke.

John 7:7

Ayeghiqha ye nongu mithi müla nani, ikemu I no ayeghiqha kümlàqo ye küsakügha kepi ashepe shitsü keu ghenguno ayeghiqha no I mithi cheni.

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

James 4:4

Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.