Luke 24:44 - Sümi Tiqhelimi Bible

⁴⁴ Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

BAIBEL (BSI)

⁴⁴ Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

Sumi Naga CL (Re-edited) Bible (BSI)

⁴⁴ Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

Luke 24:44 ပူးပေါင်းရင်းမြစ်များ

MATTHEW 1:22

Hi kümtsü shilu keu ye Ampeu no tungkupumi vechewo kiu pipüa keno shikupu niye ke:

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

MATTHEW 26:54

Ikemu I no tishive aye, Kuchoyesü lo hitoi shi moayesa nani ipikeu ye kíshi no shikupuni kea?”

MATTHEW 26:56

Ikemu hipaqo kümtsü shi akeu ye tungkupumiqo no Kuchoyesü lo yèpüa keu shikupuve niye ke.” Tishi akelo, akhopemiqo ye Jisü likhi qhive eno pokhave.

Mark 9:31

kughengu pa ye pa khopemiqo kütsü ake. Panongu vilo pa no ishi pi, “Timi Nu ye ikhipe pesü timiqo u lo sǘve tsüní cheni. Panongu no pa pìthíve nani, eno atsala aküthüni lo pa ye xülethuve nani.”

Luke 21:22

Kughengu ado hipau ye aghime tsü nikeu Kuchoyesü lo yèpüa keu shikupu akeu ke.

Luke 22:37

Ishi yèpüani, ‘Pa ye ayeza hekibidemiqo gholo kihisüve’; eno I no nongu vilo piakeu toi hiye I lau no shikupuve moayesae. Iyei, I ghenguno kiu yèpeqhi keno shikupuveni cheae.”

Luke 24:46

Pa no panoqo vilo pi, “Kiu yèpüani keno tiye hike: Messiah ye ime nani eno aküthüni ye akithí lono xüchilethuve nani,

Luke 9:22

Eno pa no pi, “Timi Nu ye aghime jeli ithulu moayesa nani eno kichimiqo, achinetomi eno ayeza kükütsümiqo no pa milive nikeu pitsü. Eno pa ye pìthíve moayesa nani eno atsala aküthüu lo ye xüputhuve nani.”

Luke 9:44

“I no kiu pi niye ani keno tsaqüi inilo: Timi Nu ye ikhiphe pesü timiqo u lo sǘve tsüní cheni.”

John 3:14

Moses no küghünamokeu-a lo apighi ikhiqhe puku keu hutoi, Timi Nu ghí ikhiqhe puku moayesa nanie,

John 5:39

Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

John 5:46

Nongu no Moses pülü cheghi aye, nongu ye I pülüni cheke, kughengu pa no I ghili yè ke.

Apostolmi 13:33

tiye Jisü xüleputhuve tsü keu vechewo ningu panongu tikughukomi eno anuliqo lau shikupu tsüke. Tiye Leshele akiniù lo ishi yèpüani: “ ‘No ye I nu ke; ishí no I no O pù shiluvae.’

Apostolmi 13:40

Tungkupumiqo no kiu pipüani keno nongu lau shikupuve pemo nike kutokupui lo:

Apostolmi 2:27

kughengu no ye kithigha lo I kughuchope qhivemo nani, No ye ow akimtheu pelo tsümave pemo nani.

Apostolmi 3:18

Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae.

Apostolmi 7:37

“Moses hipau ye Israelmiqo vilo, ‘Alhou no nongu ghenguno tungkupu I toi keu lakhi nonguw timiqo dolo no ipeghi pe nani’ ipikeu ke.

IBRIMI 10:1

Ayeza ye akivi thime ighi niye shi akeu yekükhü likhi ke—ayeza likhi ye kuchou kühae. Hi ghenguno ayeza ye khunoqo no ampe atsütsǜ lo ide-ide tamo no aghakishi athoshi pesü Alhou mülá nike kupunú ighi acheni keno panongu pelo khilemu kupukülailu pe müla nani.

IBRIMI 3:5

“Moses ye Alhou ki kümtsü lo pükhübekulu qeu lakhi shike,” pa ye Alhou no ighi nikeu lo kiu pi niye shi akeno tipau thopi shi akeu ke.

IBRIMI 7:1

Melchizedek hipau ye Salem lo akükau eno shishe Akiqheu Lhou’w achineu ke. Pa no kükamiqo theqhive no ide woche kelo Abraham sholu no pa kümgha tsüke,

IBRIMI 9:8

Hipau vechewo Aghungu Kimthe ye Akimthe Nguno Akimtheu-a lo ilo nikeu laghi ye puloshoqhi-chebo atüghiu peitha ake kutólo pephe-piye mphi kepi pìye anike.

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”