Luke 24:30 - Sümi Tiqhelimi Bible

³⁰ Kughou pama gholo alibe chu niye iqa keno Jisü no asho ikhilu eno shikimthi Alhou tsü no asho süpho püzü pesü pama tsüe.

BAIBEL (BSI)

³⁰ Kughou pama gholo chuniye ngokelo Jisu no asho ikhilu eno kumghakeu khuvekethiu asho suphono pesu pama tsu.

Sumi Naga CL (Re-edited) Bible (BSI)

³⁰ Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü.

Luke 24:30 ပူးပေါင်းရင်းမြစ်များ

MATTHEW 14:19

Eno pa no timiqo pelo atsüni shou iqave penike kichetsü. Ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijé tsü.

MATTHEW 15:36

Tisheno pa no ashopa tsünì eno akha ikhilu, eno kughou pa no Alhou shikimthive keno, pa no tipaqo süpho eno akhopemiqo tsü, eno akhopemiqo no timiqo kijé tsü.

MATTHEW 26:26

Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”

Mark 14:22

Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”

Mark 6:41

Jisü no ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno timiqo kijé tsü penike pa no pa khopemiqo tsü. Jisü no akha kini ghí kijé pesü panoqo kümtsü tsüe.

Mark 8:6

Pa no timi aqokitikhi vilo ayeghi lo iqavelo pi. Tisheno pa no ashopa tsünì akeu ikhiluve no Alhou shikimthive keu thiu pa no asho süpho püzü tipaqo pesü timiqo kijé tsü penike akhopemiqo tsü, eno akhopemiqo no timiqo kijé tsü.

Luke 22:19

Tisheno, pa no asho ikhilu no shikimthi tsü püzü süpho pe panongu tsü ghi pi, “Hiye I phimpi nongu ghenguno tsüve keu ke. I kümsüchilelu ghi hi shichelo.”

Luke 24:29

Ikemu pama no tsümomo pa lakha ghi pi, “Ningu gholo ngove lo kughengu itehi ye avelau shivea eno tsüzüveni chea ke.” Ikehu Jisü no pama gholo ngove nikeu shive.

Luke 24:35

Ikehu pama no alà lo che kelo kiu shive eno Jisü no asho süpho ke lono pama ye kíshi Jisü michilu keno lhepe pìye.

Luke 9:16

Jisü no Ashopa pungu eno akha kini ikhiluve no atsütsǘ lo jupuku püzü shikimthi tsü no asho süpho. Tisheno timiqo kijé tsü penike akhopemiqo tsü.

John 6:11

Tisheno Jisü no asho ikhilu, shikimthi tsü, eno iqa akemiqo no chunishi ke thaqhü kijé tsü. Hitoi akha ghí kijé tsü.

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 27:35

Pa no hi pive kethiu, asho hami ikhilu eno panongu kümtsü gizü lono pa no Alhou shikimthi tsü. Tisheno pa no asho süpho no chu thuve.