Luke 23:26 - Sümi Tiqhelimi Bible

²⁶ Ghüshimi no pa sasü wuche kelo, tipau hokümxa lono ighi kemi Simon Cyrenemi khuu mishiphu lo ilo niye alà lo che keno panongu no pa tsüqüluve, eno kros pesü pa xapipe püzü pa pelo Jisü thikhau shi no xapu pe.

BAIBEL (BSI)

²⁶ Timiqono Jisu sasu wuveno alalo chechekelo timi lakhi Kurinia noghami Simon ipikeu sholu, paye aphu lono aphughilo wucheghi ke. Panonguno Simon tsuquluve eno kros pesu pa shou betsu puzu pa pelo Jisu papeghi xapupe.

Sumi Naga CL (Re-edited) Bible (BSI)

²⁶ Timiqo no Jisü sawu chekelo, milakhi Cyrenemi Simon ipikeu aphughi lo ilo cheghi kelono tsüqüpe Jisü thiu no kros xapupe.

Luke 23:26 ပူးပေါင်းရင်းမြစ်များ

MATTHEW 5:41

Tsalá khuala no anguka lono O pelo pa kho xapusü kilometer lakhi wupe aye, panoqo gholo kilometer kini wuve tsülo.

Luke 14:27

Eno khuno no paw kros xapumo no I papeni keno panongu ye I papemi shimlae.

Luke 23:25

Eno panongu no khu ake toi, timi khuu alhoküsa xukutho eno timi pìthíve keu ghenguno akughuki lo akeno pa no kuqhopheve, eno Jisü pesü panongu pulou shive penike ikhipheve tsü.

Luke 9:23

Tisheno pa no panongu kümtsü vilo pi: “I khopemi shinishi kemi ye pa likhi pa milive moayesa eno paw kros xapu no I pape moayesae.

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Apostolmi 2:10

Phrygia eno Pamphylia, Egypt eno Cyrene phivilo Libya lono ighi kemi; Rome lono xukujumi

Apostolmi 6:6

Panongu no timi hipaqo sasü apostolmiqo lau ighi eno apostolmiqo no panoqo shou au be no inikhu tsü.

Apostolmi 6:9

Ikemu ghochile keu ipeghive, tiye synagog lo kuqhopheve kemiqo (ishi panongu jeku cheke) Jewmi Cyrene, Alexandria eno Cilicia, Asia bocho lono ighi kemiqo no Stephen sasü kütsala thuve.