Luke 23:2 - Sümi Tiqhelimi Bible

² Eno panongu no akipimí pa tsü thuve püzü ishi pi, “Timi hipau no ni shiye ikhiqhive niye kidi aghí keu ningu no phulue. Asüqha jeli Caesar tsü akeu pa no mjochile ani eno pa likhi pa pesü Messiah akükau lakhi ke ipi cheni.”

BAIBEL (BSI)

² pa nguku thu: “Timi hipauno ni-timiqo sakughuzu cheghike tsuqulue, ike ni-timiqo vilo Rom kukau Kaiser lau asuqha tsukevilopi piaghi eno pa likhi pano Alhou no Kishephe puwukeu Mesiya akukau lakhi kepi aghie.”

Sumi Naga CL (Re-edited) Bible (BSI)

² Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

Luke 23:2 ပူးပေါင်းရင်းမြစ်များ

MATTHEW 17:27

“Ikemu panongu shikulosümo nike ghenguno, ayizükucho lo wulo eno akha kümsüpú yì lakhi vesülo. Akha atüghiu küghalu keu tipau kichí sükhoju aye tile ghükayi bidí aghí nani ke. Tipau ikhilulo eno I ghenguno ngò nongu ghenguno zame panoqo tsüvelo.”

MATTHEW 22:21

“Rommi kükau ke,” ipi panongu no khochile. Tisheno pa no panongu vilo pi, “Imaye Caesar’w kiu keno pa tsüchilelo eno Alhou’w kiu keno Alhou tsüchilelo.”

MATTHEW 27:11

Tishi akelo Jisü ye angh zülo puthughoe, eno angh no pa vilo iniju, “No ye Jewmiqo kükau keshea?” Jisü no khochile, “Nono ti pivae.”

Mark 12:17

Ikelo Jisü no panongu vilo pi, “Kiu no Caesar’w keno Caesar tsüchilelo eno kiu no Alhou’w keno Alhou tsülo.” Ikelo panongu ye pa ju pesü akümzave.

Mark 15:2

Pilate no iniju, “No ye Jewmiqo kükau keshea?” Jisü no khochile, “Nono ti pivae.”

Luke 23:14

eno panoqo vilo pi, “Nongu no timi hipau I lau sasü ighi eno pa no timiqo pelo hebide penike chuxu cheni ipi. I no nongu küa lono pa phukideküdaijuvea ke, nongu no pa nguku akeu kipimí ni ye kiumu phulu amoe.

Luke 23:5

Ikemu panongu no pikichichi auve eno pi, “Pa no kütsü keu lono Judea qha kümtsü lo timiqo xukutho ani. Pa ye Galilee lono huthu püzü itehi ye hi kutólo ghí ighivae.”

John 18:29

Ike Pilate no khalau ipeghino panongu vilo iniju, “Nongu ye timi hipau shou nguku kepuqo kiu süghi ani kea?”

John 18:30

Panongu no khochile, “Tsalá timi hipau no ayeza heküxami shi aghimo ke aye, ningu ye pa kügha süwo O tsümoni cheke.”

John 19:12

Tinguno alau ye, Pilate ye Jisü kuqhopheve nike pükapütsa ae, ikemu Jewmi sakiphemiqo no ishi ighamuku auve, “Tsalá nono timi hipau pelo wuve pe aye, no ye Caesar küsàu kumoe. Timi khukhumu akükau kepi pükha aye pa ye Caesar lachile anike.”

Apostolmi 24:13

Eno panongu no I shou ngukube akeu mütsümishei hi kepi O pìye müla nani.

Apostolmi 24:5

“Ningu no phulu keu no timi hipau ye aküpüna shikichemi, ayeghiqha kümtsü lo Jewmiqo dolo heküpüsa xukutho chekemi lakhi ke. Pa ye Nazarene mqo gholo atou sakipheu ke

Rommi 13:7

Nono api pù akemi kümtsü lau kiu tsü kepu ani keno tsülo: Zame tsü kepu shi aghí aye, zame tsülo; yepeka lau asüqha jeli tsü moayesa kepu shi aghí aye, tsülo; qhoqhü moayesa kepu shi aghí aye, qhoqhü lo; gihu moayesa kepu aghí aye, agigihu tsülo.