Luke 22:69 - Sümi Tiqhelimi Bible

⁶⁹ Ikemu hinguno hilau ye Timi Nu ye Alhou akughushuu u ajeu küdau küghüqave nani.”

BAIBEL (BSI)

⁶⁹ Ikemu hinguno hilau ni Timi Nu ye Alhou akumtou ajeu kudau iqave nani.”

Sumi Naga CL (Re-edited) Bible (BSI)

⁶⁹ Ikemu itehi Timi Nu ye Alhou küka kumto u ajeu küghüqa niae.”

Luke 22:69 ပူးပေါင်းရင်းမြစ်များ

MATTHEW 22:44

“ ‘Ampeu no I mpeu vilo pi: “I no O ghümiqo pesü O pukhu qholo qhitsümo ke kutólo I u ajeu iqalo.” ’

MATTHEW 26:64

Jisü no khochile, “Nono ti pivae, ikemu I no nongu kümtsü vilo piani: Hinguno hilau ye nongu no Timi Nu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Mark 14:62

Ikelo Jisü no pi, “Tihu Ni ke! Eno nongu no Timi Nu hu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Luke 22:68

eno tsalá I no nongu vilo iniju namu nongu no khochilemo nani.

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

Kolosiami 3:1

Tishiaye nongu ye Khristo gholo xüputhuvea ke ghenguno, nongu mlo pesü kunguu Khristo no Alhou u ajeu iqa akeu thimeqo shou belo.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 8:1

Ningu no kiu piani keno akimiji akhotou ye hipau ke: Ningu ye achinetomiqo shou atou lakhi ani, pa ye kungugha lo Anguagha küká lakhü lo au ajeu küdau iqa ani,

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.