Luke 22:42 - Sümi Tiqhelimi Bible

⁴² “Apùo, nono pulo aghí aye aghime jikhu hipau I lau no pesü wuve tsülo; tishimu I pulou kumoe ikemu O pulou shitsünie.”

BAIBEL (BSI)

⁴² “Apuo, opuloushi aghi aye ajukhu hipau ilauno pewuve tsulo. Tishimu igho kumoe, ikemu oghou shitsunie.”

Sumi Naga CL (Re-edited) Bible (BSI)

⁴² “Apu, Nono pulo aye, ajukhu hipau I launo pewuve tsülo. Tishimu, I pulou kumono O pulou shilo.”

Luke 22:42 ပူးပေါင်းရင်းမြစ်များ

MATTHEW 11:25

Tipau tüqhüdo lo Jisü no pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke.

MATTHEW 11:26

Iyei, Apùo, hitoi shikeu ye O pulou kiqi lono shikeu ke.

MATTHEW 20:22

Jisü no panongu vilo pi, “Nongu ye nongu no kiu khu ani keno ithi amoe, nongu ye I no aghime jikhu lono sho niye akeu sholu nani keshea?” Panongu no khochile, “Ningu ye sholu nanie.”

MATTHEW 26:39

Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

MATTHEW 26:44

Ikehu Jisü ye panongu qhive püzü ghuthu aküthüu wu no, itaghi isheli inikhu akeu atho pi ghi akighini shiauve.

MATTHEW 6:10

O yekipe ighilo, kungugha lo toi ayeghi lo ghí O pulou shilu pelo.

Mark 14:36

Pa no ishi pi, “Abba, Apùo, O ghengu ye thowkha kümtsü shikulupu ani. Aghime jikhu hipau I lau no ikhipesü wuve tsülo. Ikemu I pulou kumo no O pulou shilo.”

Luke 23:34

Jisü no pi, “I pù, panongu kipimí qhitsülo, kughengu panongu ye panongu no kiu shi ani keno ithi amoe.” Eno panongu no asaqhi no paw tiphimini kijéluve.

John 18:11

Jisü no Peter vilo azah tsü, “O kihizüta süchileve lo! Ni ye Apù no aghime jikhu I pelo sho peniye tsü keu shomoni keshea?”

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

John 5:30

I likhi I vechewo ni ye kiumu shimlae; Ni ye I no chilu keu likhi küghathabe cheni, eno iw küghakütha ye achipi ke, kughengu ni ye I likhi I pulou kumo püzü I puwu keu pulou shini keu phu chenie.

John 6:38

Kughengu ni ye I pulou shini ke ghenguno kungugha lono iqighimoe ikemu I puwu keu pulou shini ke ighike.

Apostolmi 21:14

Kughou pa pütsaqhi mülave keno ningu no, “Ampeu pulou shipeniu,” ipive no palokutove.