Luke 21:23 - Sümi Tiqhelimi Bible

²³ Atsala tipaqo lo totimi angá mishí akemi ngò azá angapini akemiqo ghenguno kiutoi akümsapu kea! Ayeghiqha lo aghime kitikhi ighi nani eno Alhou loghukighide timi hipaqo shou ikughi nani.

BAIBEL (BSI)

²³ Tipa tsala lo mishi puchekemi eno akichhi kipinimi ghenguno ahakusapue! Aghime kitikhi hipau yeghilomi shou ighi nani, eno Alhou loghu pesu timi hipaqo shou be nani.

Sumi Naga CL (Re-edited) Bible (BSI)

²³ Tipa ghuloki lo mishipu akemi eno anga kughunu sa akemi ghenguno ahasapue! Kughengu aveküsapu kije ayeghi lo ighi nani eno timi hipaqo shou aloghu ikughi nani.

Luke 21:23 ပူးပေါင်းရင်းမြစ်များ

MATTHEW 21:16

Panongu no Jisü vilo iniju, “No ye itimi hipaqo no kiu piani keno chilu ani kema?” Jisü no khochile, “Iyei, ike nongu ye khilemu hi phijumo keshea? “ ‘Itimi ngò angá kughunuqo kichí lono O sheqhe peniye Ampeu nono ku sasü ighike.’ ”

MATTHEW 21:41

Panongu no ishi khochile, “Pa no ahaküsamiqo shou ahaküsapu shi pìthíve nani, eno pa no atsailu pesü mishichi chekemi kütamiqo pichíve nani, eno tipaqo no ghile hu ke ghuloki lo tüxatini pa saje tsü nani.”

MATTHEW 21:44

Atuqu hipau shou veqhi iku kemi kümtsü vephopinive nani; eno atuqu hipau no khuu shou ikiqi ikughini keno tiye chishepho-pinive nani.”

MATTHEW 24:19

Atsala tipaqo lo totimi angá mishí akemi ngò azá angapini akemiqo ghenguno kiutoi akümsapu kea!

Mark 13:17

Atsala tipaqo lo totimi mishí akemi ngò azá angapini akemiqo ghenguno kiutoi akümsapu kea!

Luke 19:27

Ikemu itehi ye I ghümi khipaqo no I pelo panongu shou akükau shi penishiamo keno hilau panongu saighi lo eno I gizü lono ghiqhivelo.’ ”

Luke 19:43

Anguküsa tsalà nongu shou ighi nanie, tiye kughou no ghümi no nongu khasüluve püzü nongu sümxa ghi ayeghi pesü atozü toi shipuku nani eno aqha kümtsü lono nongu süholuve nani.

Luke 23:29

Ado ghuloki ighi nani eno nongu no ishi pi nani, ‘Anuhami totimi, atita lo mishí jumo kemi eno angapini jumo kemi kümghae!’

1 Kor. 7:26

Ike tiye, itodolo küküpüna ghenguno, I no kümsü akeu ye timi lakhi ghenguno pa ye itehi kíshi ani keno titoi aghí keu pavie.

1 Thes. 2:16

Jewmiqo ye ningu no Jewkumomiqo vilo atsakiviu pikülha no xakulupu shini keu lo ningu lakha acheni. Hitoi keu ghola lono panongu ye alhokuthu akumou lono panongu xiné pekütsü acheni ke. Ikemu ashekha lo Alhou loghu no panongu shou ikughivae.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

James 5:1

Itehi ye nongu kinímiqo no inilo, nongu lau aveküsa chekeu ghenguno qalo eno amloghuju shilo.

1 Peter 4:17

Kughengu hiye Alhou kibolomi dolo no küghakütha huthu nikeu do tovae; eno tsalá ningu lau no huthu aye, khunoqo no Alhou tsakiviu gholu chemo keno panongu ghengu ye kiu shive nani kea?