Luke 2:1 - Sümi Tiqhelimi Bible

¹ Tipa ghuloki lo Rome yeghiqha kümtsü lo timi lhoxü kihikütsü penike Caesar Augustus no azah lakhi tsüe.

BAIBEL (BSI)

¹ Hipa ghulokilo Rom yeghiqha kumtsulo timi lhoxu hesa kutsu nike Akukau Agostus launo ahza puwu.

Sumi Naga CL (Re-edited) Bible (BSI)

¹ Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu.

Luke 2:1 ပူးပေါင်းရင်းမြစ်များ

MATTHEW 22:17

Tishiaye hipau lo O kükümsü kiu ani keno ningu vilo pitsülo. Rommi kumokemiw zame pesü Caesar tsü keu ye achipi keo mokea?”

MATTHEW 24:14

Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

Mark 14:9

Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”

Mark 16:15

Jisü no panongu vilo pi, “Ayeghiqha kümtsü lo wulo eno timi kümtsü lau atsakiviu kütsü lo.

Luke 2:3

Eno kümtsü no kihiküsü lo sǘ nike pütütaw mishiphu lo wue.

Luke 2:5

Joseph ye pa no küsükha püakeu Mary sasü kihiküsü shi niye tilehi wuke, eno li ye mishibei pa gholo wue.

Luke 3:1

Tiberius Caesar no ka keu mpe chighí apunguu shi akelo, Pontius Pilate no Judea lo Angh shia, Herod no Galilee lo ayekipeu shia, pa thiküzüu Philip no Iturea ngò Traconitis lo eno Lysanias no Abilene lo ayekipeu shi akelo,

Apostolmi 11:28

Ike panoqo gholo timi lakhi Agabus ipikeu no puthugho püzü Aghungu vechewo püqümiye kijè lakhi Rome yeghiqha kümtsü shou ighi nani ipi kütüghü tsüe. (Hiye Claudius no akükau shi ake ghuloki lono shikupuve.)

Apostolmi 25:11

Tsalá, tishimu, I pìthíve küzüpu kipimí kiu-kiumu aghí aye, ni ye thiveni ke lachile keu kühae. Ikemu tsalá Jewmi hipaqo no lachile ghi I shou ngukube akeqo no kuchou shi aghimo aye, timi khiumu I kügha pesü panongu u lo sǘve kepu chipiu kühae. I no Caesar lau qhüiniju anie!”

Apostolmi 25:21

Ikemu kughou Paul no pa tsa ye Qhasükükau pelo xathatsü penike qhüiniju keno, I no Caesar lau pa puwu moke kutólo aghükhemiqo pelo khe aghí penike azah tsüve ke.”

Rommi 1:8

Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

FILIPIAMI 4:22

Hilau Alhou’w timi akemiqo kümtsü no petha nongu tsü ani, akhotoshi Caesar kükaki lo mülà akemi akibolomiqo no petha nongu tsü ani.