Luke 19:8 - Sümi Tiqhelimi Bible

⁸ Ikemu Zacchaeus no puthugho no Ampeu vilo pi, “Julo, Ampeu! Ni ye I küakini tüxa pesü athokhami tsüveni, eno I no kiu-kiu lomu khuala pishiqhi püaghi aye tipau theli lo ghuthu bidí no küghüsü püzü tsüchile veni.”

BAIBEL (BSI)

⁸ Ike Zakhai no puthughono Ampeu vilo pi, “Iniju tsulo, Ampeu! Ino pighiakeu tuxa pesu kumlhomi tsuni, ino khuala pishi puaghi aye, tipa theli ghuthu bidi tsukideveni.”

Sumi Naga CL (Re-edited) Bible (BSI)

⁸ Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

Luke 19:8 ပူးပေါင်းရင်းမြစ်များ

Luke 11:41

Ikemu nongu khu-ajikhu lo kiu ani keno kumlhomi lau tsükinimi shilo, eno O ghenguno thowkha mitheluve nanie.

Luke 12:33

Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Luke 16:9

I no nongu vilo pìní, ayeghi lo küakini pesü ow shompami kighishelu lo, tishianguno kughou ti kühaveni keno lhokta kungo-a lo O sasü nani ke.

Luke 19:7

Timi kümtsü no hi ithulu no nhenheshi ishi pithuve, “Timi hipau ye axinemi lakhi ki lo ngo niye wuvae.”

Luke 7:13

Kughou Ampeu no li ithulu keno, pa mlo lo li kimiyeqhiyi keu no chhitoive no pa no pi, “Qa kevilo.”

Luke 7:19

pa no Ampeu vilo, “No ye ighi niye akeu hu keo, ningu ye kütami huqhe aghílo pi kea?” ipi iniju penike pama puwu.