Luke 16:24 - Sümi Tiqhelimi Bible

²⁴ Ike pa no Abraham ku no pi, ‘Apù Abraham, I kimiye tsülo eno Lazarus pelo pa u loti azü lo chosü no I mili dikumko tsü pelo, kughengu ni ye ami hipau lo shishe ime anie.’

BAIBEL (BSI)

²⁴ Tile pano ighamuku, ‘Apu, Abraham! Ikimiye tsulo eno Lazar pelo pa-uloti azulo chosuno imili dikumko tsupelo, kughengu niye ami hipaulo shishe ime ani.’

Sumi Naga CL (Re-edited) Bible (BSI)

²⁴ Pa no ighamku, ‘Apu Abraham, I kimiyekütü tsülo, ni ye ami no piti keu ghime puqhemla no anike Lazarus puwu no pa uloti no azü lo chosü püzü I mili dikumko tsü pelo.’

Luke 16:24 ပူးပေါင်းရင်းမြစ်များ

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

MATTHEW 3:9

Eno nongu ye nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

Luke 16:30

“Kiními hu no pi, ‘Tiye shimlae, apù Abraham, ikemu kithimi dolo khuala no panongu lau wu anguno panongu ye amlo pebide nani.’

Luke 19:9

Jisü no pa vilo pi, “Ishí no xakulu akibo hipau lo ighivae, kughengu timi hipau ghí Abraham nu lakhi ke.

Luke 3:8

Amlo pebideve keu toi xüpe pìyelo. Eno nongu ye, nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 7:37

Tiqhitini pinedo ashekhau eno ajekipi tsalà lo, Jisü no puthugho no ighamuku pi, “Khukhumu tüghüthi kemi ye I lau ighino yelu pelo.

Rommi 4:12

Eno tilikhi kumo no Abraham ye aphighüyiko ghave kemi khunoqo no aphighüyiko ghave keu likhi kumo no pa no aphighüyiko ghamphi züu pape chekeu küpülü pukhu nepa lo checheni keno panongu papù ghí ke.

2 Thes. 1:8

Khunoqo no Alhou mtha eno ningu Mpeu Jisü tsakiviu gholumoni keno Ampeu no panoqo ghimeqhi nani.

James 2:13

kughengu khukhumu kimiyekini küha kemi lau ye kimiyekini pìyemo no küghatha nani. Kimiyekini no küghakütha shou tokulu shilu cheni.

James 3:6

Amili ghí ami lakhi ke, amili ye aphimpi dolo küsakügha yeghiqha lakhi ke. Amili no aphimpi kuchopu shikuchubeve cheni ke, timi lakhi küxü kupuju lo ami sǘvetsü cheni, eno amili ghí amiyizü mi no pitive cheni ke.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü