Luke 16:15 - Sümi Tiqhelimi Bible

¹⁵ Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

BAIBEL (BSI)

¹⁵ Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Sumi Naga CL (Re-edited) Bible (BSI)

¹⁵ Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Luke 16:15 ပူးပေါင်းရင်းမြစ်များ

MATTHEW 23:5

“Panongu no shikeu kümtsü kütami pelo ithulu pe nikeu ghenguno shi cheni: Panongu no aumlo lo Kuchoyesü tsa bohu khapu chekeu kijè shikithe cheni eno panongu phishe lo tshüpu chekeu kushuwa shikithe cheni;

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:2

“Tighenguno nongu no kughou aveküsami kuphuni keno, nongu ye kühaküghamiqo no synagog eno alaghilaqo lo ighamuku kütami pelo panongu gihu peniye asheshu keu toi shi kevilo. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:5

“Eno kughou nongu no akighini shini keno kühaküghamiqo toi shi kevilo, kughengu panongu ye synagogqo lo puthugho no akighini shinishi cheni eno kütami pelo ithulu peniye alaghila chekuqo lono akighini shi cheni. Kuchou no I no nongu vilo pìní, panongu ye pano sala qesaxu kuchopu ithuluvae.

Luke 10:29

Ikemu ayeza kükütsüu ye pa likhi pa ye achipie pinishive kehu Jisü vilo iniju, “Imaye khuu no I kisüghümi kea?”

Luke 11:39

Tisheno Ampeu no pa vilo pi, “Pini keu lo nongu Phariseemiqo ye akhu ajikhu ashou ye shikimtheve cheni ikemu nongu lolo alakimine ngò küsakügha no chhitoi anie.

Luke 18:11

Phariseemi hu ye pakütashi puthugho no ishi inikhu: ‘Alhou, I no O shikimthi akeu ye kütami toi I pelo süxakulumi, küsaküghami, shupumi momu zame küqhami hipau toi pemo ke.

Luke 18:14

“I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”

Luke 18:21

Timi hu no khochile, “I no itimi shi aphi lono hipaqo kümtsü pelu ighivae.”

Luke 18:9

Timi khunoqo no pano ye amikuchomi kepi pano kümsüpivi no kütamiqo thaigha cheni keno tipaqo lau Jisü no aholetsa hipau pi:

Luke 20:20

Panongu ye aphivi lono tsaqüi Jisü puju peniye tuqhou no amikuchomi ghili shi pukujumiqo puwue. Panongu ye Jisü no kiu pìní keno tipau lono ajekukivi shi püzü pa küghape angh yekipe kükagha qholo tsüve niye shike.

Luke 20:47

Panongu ye chimemiqo ki süxaluve cheni eno timi shipe pìye nike ghenguno akighini kushuwa shi cheni. Timi hipaqo ye aghime kitikhi shi ghimeqhi nani.”

John 2:25

Pa ye timiqo shepe kiumu avehupu shimoe, kughengu pa ye timi lakhi-khi lolo kiu akeno ithi ake.

John 21:17

Ghuthu aküthüu Jisü no pa vilo pi, “John nu Simon, no ye I kimiye chenima?” Jisü no ghuthu aküthüu ghi, “No ye I kimiye chenima?” ipi iniju keu lo Peter ye alosüve. Pa no pi, “Ampeu, nono thowkha kümtsü ithi anie; I no O kimiye akeu nono ithi anie.” Jisü no pi, “Iw ambeqo lojí lo.

Apostolmi 1:18

(Paw küsakügha jume ithulu keu pesü Judas no alu qhü; pa ye akütsü no aqhoshi ikiqi no pa phimpi vepho kighinoli kümtsü ashou vele ipeghive ke.

Apostolmi 1:24

Tisheno panongu no akighini shi, “Ampeu, nono kümtsü mlo ithi ani, hi pama dolo Judas no apostol kümlà qhive no pa kungo-a lo wuve keu lo

Apostolmi 15:8

Alhou, khuu timi mlo ithikicheu keno, pa no ningu lau shikeu toi Jewkumomiqo ikhilu ani kepi pephe-piye keu michi shi Aghungu Kimthe panongu tsüke.

Rommi 3:20

Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

Rommi 8:27

Eno Alhou khuu ningu mlo lheju cheni keno pa no Aghungu kükümsü ithi acheni, kughengu Aghungu no Alhou pulou kiqi lono Alhou’w timiqo ghenguno alakipiu shi inikhu tsü acheni ke.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

1 Peter 3:4

Tishini ke züqhu nongu jukivi ye nongu lolo, idive chemo keu iqüighai keu ngò iqünhei keu ngulho, khikhi Alhou zülo ighono amekusho keno, tipau no nongu jukivi shi moayesa ke.

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

Piyeküsü 2:23

I no li nuliqo ghüza pe pìthíve nani. Tishive aye akukuhouqo kümtsü no ni ye timi mlo eno akükümsü phuju chekeu hu ke ipi ithi nani, eno I no nongu kümlà kiqi lono nongu lakhi-khi lau qesaxu tsü nani.