Luke 15:29 - Sümi Tiqhelimi Bible

²⁹ Ikemu pa no ishi papù khochile, ‘Julo! Ni ye ampe hijejehi aqemi lakhi toi O qe ighi eno khilemu O zakütsüqo hebide chemoe. Tishimu no ye khilemu I pelo I küsàmiqo gholo alokivi ghulhu shilu penike aneti lakhimu pesü I tsümoe.

BAIBEL (BSI)

²⁹ Pano papuh khochile, ‘Julepi aqemi lakhi toi niye ampe hijejehi mla ighivea eno ghuthu lakhimu nono ahza tsukeu hebide mphi. Iwu shompami sasu kuchukusho shikepu noye ane lakhimu khileno itsu akya?

Sumi Naga CL (Re-edited) Bible (BSI)

²⁹ ikemu pa no papu vilo pi, ‘Julepi, ni ye ampe hijejehi o huthu ighiva, eno ni ye khilemu o zakütsü hebide mphi, ikeghi I küsami sasü alokivi shi aghulhu shilu penike no ye aneti mu khilemu I tsüju mphie.

Luke 15:29 ပူးပေါင်းရင်းမြစ်များ

MATTHEW 20:12

Panongu no pi, ‘Hi aqe kiqemi ashekha shi ighi keqo ye ayì kihedo lakhi likhi mülae, ikeghi nono panoqo pesü ningu khetsünhe no phuqhi atsala kupuju aghime shi mülà kemi sasü aqhemi shive tsüke.’

Luke 15:28

“Anu akichiú ye ighono amloideve no aki alou iloghi tsümove. Ikehu papù no khalau ipeghi eno pa vilo alou iloghi lo pi qhüiniju.

Luke 15:30

Ikemu O nu hipau no amheghi kümtsü kütüqhami lau no kilhekulu puwokhave no aki lo ideighi kelo, no ye pa ghenguno amishiti athakupuu heqhitsüe!’

Luke 15:7

I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.

Luke 17:10

Titoi kughou nongu vilo azah tsü keu kümtsü shive kethiu nongu ghí ishi pi kepue, ‘Ningu ye aküzüpu kumo keu aqemiqo ke; ningu ye ningu kümlapù saje likhi shike.’ ”

Luke 18:9

Timi khunoqo no pano ye amikuchomi kepi pano kümsüpivi no kütamiqo thaigha cheni keno tipaqo lau Jisü no aholetsa hipau pi:

Luke 19:21

No ye mükamihi kemi lakhi kehu, ni ye O msàve ke. No ye ow kumomu luve cheni, eno nono shosümo keu ghí xoluve cheni ke.’

Rommi 10:3

Panongu no Alhou chipiumikucho mtha no pano likhi pano ghola lono achipiu shini keu phu ke ghenguno panongu ye Alhou chipiumikucho lau ikhiphe pesü tsümo ke.

Rommi 3:20

Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

Rommi 3:27

Tishiaye tile qheza kepu kiu ani kea? Kiumu qheza akepu kühae. Kiu yeza ghenguno kea? Ayeza lo akümlà avehupu shi akeu no keshea? Moe, ayeza lo aküpülü avehupu shi akeu ghenguno ke.

Rommi 7:9

Ghuthu lakhi lo ayeza küha no akelo ni ye xüache ke; ikemu kughou azakütsü ighive keno axiné no xü ithughive eno ni ye thive ke.

Piyeküsü 2:17

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no tokuluu keno, I no manna küsüpüa keu khami pesü tsü nani. Tisheno I no itaghi atu miyetsüghoi keu lakhi lo aje kithé lakhi yèpuku no timi tipau tsü nani. Eno tiye timi khuu no tipau ithuluni keno pa likhi no ithi nani.

Piyeküsü 3:17

Nono, ‘Ni ye kiními ke; Ni ye aküakini kutomo pekütsüluvae eno thime lakhimu avehupu shi amoe,’ ipi cheni. Ikemu no ye ahaküsapu, kimiye kepu, athokhami, anhethi kighichemi, aphikümsa ngo ani kepi no ye mtha no anie.