Luke 12:48 - Sümi Tiqhelimi Bible

⁴⁸ Ikemu hipaqo mtha no aghime ithulu küzüpu kümlà shive aghí keu qeu ye aküghülau lono heqhi nani. Kutomo tsüpe püa kemu kümtsü lau kutomo khu nani, eno khuu lau kutomo pichebe pe püani keno alá kutomo khu nani.

BAIBEL (BSI)

⁴⁸ Ikemu aqemi khuuno pa mpiu pulou mtha puzu kiuala mlave aghikeulo ghakepu shive aghi aye ighono ghaqhi kutukeu shimo nani. Timi khuu lau kutomo tsu puani keno kutomo pa launo khu nani; eno timi khuu lau alau tsu puani keno tinguno alau khu nani.”

Sumi Naga CL (Re-edited) Bible (BSI)

⁴⁸ Ikemu khuu no ithimo keu lono ghime kepu kümla shiveni keno, pa ye aghime akümthüu ithulu nani. Khuno lau kutomo tsü püani keno, pano launo kutomo khu nani, eno khuno lau kutomo pichetsü keno, tinguno alau tsüchile penike khu nani.

Luke 12:48 ပူးပေါင်းရင်းမြစ်များ

MATTHEW 13:12

Khuno no ani keno alau tsü nani, eno panongu ye kupukuno shi anani. Khuno no küha keno, pano no kiu aghíni keno, ti ghí pano lau no ikhipe wuve tsü nani.

MATTHEW 23:14

“Nongu ayeza kükütsümi ngò Phariseemiqo ghenguno ahaküsapue! nongu kühaküghaqou! Nongu no chimemiqo ki süxaluve cheni eno timi shipe pìye nike ghenguno akighini kushuwa shi acheni. Tighenguno nongu ye shishe aghime kitikhi sholu nani.

Luke 12:41

Peter no iniju, “Ampeu, no ye kimghi pìye keu tsa hipau ningu vilo piani keo kümtsü vilo piani kea?”

Luke 12:49

“Ni ye ayeghi shou ami sǘ niye ighike, eno ni ye ami küyiqüve aghí penishi anie!

Luke 16:2

Tighenguno pa no püghükütsüu ku püzü pa vilo iniju, ‘I no O ghili chilu akeu hiye kiu kea? Ow akümlàqo kihikülai pe I tsülo, kughengu hinguno hilau ye O pelo püghükütsüu shipema ke.’

John 15:22

I no ighino panongu vilo pimo ke aye panongu ye panongu xiné phumlani cheke; ikemu itehi ye panongu ye panongu xiné ghenguno ajeku kühavae.

Apostolmi 17:30

Khaghi mtha keu ghuloki lo ye Alhou no jukümghaleve tsüche, ikemu itehi ye pa no aqha kuchopu lo timi kümtsü vilo amlo pebide penike azah tsü ani.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

1 Tim. 1:13

Ghuthu lakhi lo ni ye achine pipütha chekemi lakhi, Khristomi pishi-puju chekemi lakhi eno ngukangughami lakhi shi aghí namu, I lau kimiyekini pìye ke kughengu ni ye mtha keu eno pülü müla keu lono mülà itha cheke.

1 Tim. 6:20

Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,

Titus 1:3

eno khikhi itehi, Alhou no püghüpe qhi keu süchedo lono, ninguw xakuluu eno Alhou zakütsü tsü keu vechewo akükütsü I pichetsü keu hu pa no aküvü lo pephe tsüke.

James 3:1

I küsàmi küpülümiqo, nongu kutomo no kükütsümi shive kepu kumoe, kughengu nongu no ithi akeu toi ningu khunoqo no kütsü cheni keno ningu ye kütami nguno alau shi mükamüghai küghathabe nani ke.