Luke 12:45 - Sümi Tiqhelimi Bible

⁴⁵ Ikemu kümsüju kelo aqeu no pa likhi pa pütsa ghi, ‘I mpeu ye ighi nikeu ado kushuwa lunani,’ ipi no aqemi kütami, kipitimi eno totimiqo heqhi thuve püzü chu-sho eno shomzü auve aye.

BAIBEL (BSI)

⁴⁵ Ikemu aqeu tipauno, ‘Impiuye ighinikeu munu auvea’ ipi puzu aqepumi eno aqelimi kutamiqo heqhi buqhi eno chu shono chumzu shomzu wuve napi aye

Sumi Naga CL (Re-edited) Bible (BSI)

⁴⁵ Ikemu ti aqeu no pa mlouno, ‘I mpeu ye ighini keu kumnu auvae,’ ipi no aqemi ngo aqelimi peitha püsa thuve, eno aghulhu shino shomzü auve aye,

Luke 12:45 ပူးပေါင်းရင်းမြစ်များ

MATTHEW 22:6

Eno kütamiqo no pa qemiqo tsüqüluve eno panongu kijipüsa eno heqhipithíve tsü.

Luke 12:44

Kuchou no I no nongu vilo pìní, pa no aqeu pelo paw küakini kümtsü shou ampeu shipe nike picheve nani.

Luke 12:46

Aqeu tipau mpeu ye aqeu no huqhemo keu tsalà eno ayì kihedo mtha keu dolo no ighi nani. Ampeu no pa qeu aleqhi shi ghithave nani eno pa pesü pülümo kemiqo-a lo qhive nani.

Luke 21:34

“Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

John 2:10

no pi, “Kümtsü no atüghishi atsaizü kishe pesü akiviu peighi cheni eno inamiqo no aghakiqi shi yeve kethiu no atsaizü ame kümlá shikeu peighi chenie; ikemu no ye itehi kutólo atsaizü akiviu msá pe püanie.”

Apostolmi 2:18

Tipaqo tsalà lo I no I qemi kipitimi eno totimiqo kinikujo, shou I no I Ghungu lepuku tsü nani, eno panongu no tungkupu tsa pi nani.

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

2 Kor. 11:20

Kuchou lo, nongu ye khukhumu nongu pesü aqüaxemi shikeu, nongu peithapüsa keu, nongu lau no adokivi lu keu, nongu ghasü chekemiqo momu nongu gi ghatsü chekemiqo kutólo ghí sasü küqha acheni ke.

1 Thes. 5:7

Kughengu khunoqo no zü cheni keno putho lono zü acheni, eno khunoqo no shomzü cheni keno putho lono shomzü acheni.

2 Peter 2:13

Panongu ye panongu no shiküpüsa kümlà shive keu ghenguno shiküpüsa pesü lochile nani. Atsala küvü lono aji kushoki lo ngo keu no panongu lopivilu cheni. Panongu ye aju-aje küsa eno tukutiye akemiqo ke, eno panongu ye nongu gholo aghulhu shi ake lono panonguw pishikiqhi lo alovilu cheni.

2 Peter 2:19

Panongu no timiqo vilo khaqhiphe tsüní keu piqhi cheni, ikemu panongu ampi ye küsakügha qüaxemiqo ke—kughengu “timi ye kiu no panongu mpeu shivea keno tipau qüaxeu ke.”

Piyeküsü 16:6

kughengu panongu no ow akimthemi eno tungkupumiqo jì pele ke, eno panongu no ithulu küzüpu shi akeu toi nono ajì pesü panongu pelo ye penike tsüe.

Piyeküsü 18:24

Babylon mishighüna lono tungkupumiqo ngò Alhou’w akimthemi ayeghiqha lo ghiqhive keqo kümtsü jì aghíe.”