Luke 10:20 - Sümi Tiqhelimi Bible

²⁰ Tishi namu, aghawuqo no nongu qhoqhü keu lo alovi akevilo, ikemu nongu je atsütsǘ lo yèpüa keu ghenguno alovishe alo.”

BAIBEL (BSI)

²⁰ Tishinamu hipaqo ghahwuno nongu qhoqhulu pekeulo alokivi shikevilo; ikemu nongu je kunguu yehpuakeulo alokivi shilo.”

Sumi Naga CL (Re-edited) Bible (BSI)

²⁰ Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Luke 10:20 ပူးပေါင်းရင်းမြစ်များ

MATTHEW 10:1

Jisü no pa khopemi chighikiniqo pa lau ku puwu, eno mithekumo ghunguqo haphelu pe nikeu, küsükini eno aküsǜ jeli kümtsü shipivilu pe nikeu kükagha pesü panoqo tsüe.

MATTHEW 26:24

Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

MATTHEW 27:5

Ike Judas ye pisa hu pesü achineki lo vesüve no cheve. Tisheno pa ye wu püzü pa likhi pa tshüqhi pìthíve.

FILIPIAMI 4:3

Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

IBRIMI 12:23

nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 21:27

Mithekumo jeli kiumu Akimthe Mishighüna lo ilo müla nani, khukhumu akukujopu momu pishikiqhi kümlà shi chekemi ye khilemu ilo müla nani, ikemu Ambeti’w aküxüpu kaku lo aje yèpüa kemiqo likhi no ilolu nani.

Piyeküsü 3:5

Khuu no tokuluu keno pa ghí panongu toi aphimini miyetsüghoi keu pepu nani. Ni ye aküxüpu kaku lono timi tipau je khilemu ikhivemo nani, ikemu I pù eno paw kungumiqo zülo no pa je piphe tsü nani.