Jude 1:4 - Sümi Tiqhelimi Bible

⁴ Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

BAIBEL (BSI)

⁴ Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Sumi Naga CL (Re-edited) Bible (BSI)

⁴ Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Jude 1:4 ပူးပေါင်းရင်းမြစ်များ

MATTHEW 13:25

Ikemu timi kümtsü zü ake lono, pa ghümi no ighino alupiqo pesü aghibo gholo xusüvetsü no pove.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 15:24

Ningu gholo timi khami no ningu lau no puloza lumo no wu püzü nongu pünaqhi ani, eno panongu no kiu pi keno tino nongu kükümsü püna ani ipi ningu no chilu ani.

Galatiami 2:4

Hipau vehu ye kichileu küpülümiqo khami no ningu no Khristo Jisü vechewo ghoshixü akeu pukuju shi niye ninguw kushoqhe akeu lo itshüiloghi no ningu pesü aqüaxemi shive nike ghenguno ipeghi ke.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

1 Tim. 5:8

Khukhumu pano bolomiqo tuchomo eno akhotoshi pa likhi pa kibolomi vehupuqo kuphu tsümo keu ye aküpülü milivae eno pülümo kemi lakhi nguno alhoküsau ke.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

2 Tim. 3:6

Panongu toi kemi ye müqümgha shi püzü timi ki lo ilo no miqemilei kemi totimiqo züluve cheni. Totimi tipaqo ye axiné no qhasü pesü acheni eno küsakügha kümlà jeli kümtsü shinishi keu no müsü sawuve cheni.

1 Peter 2:16

Kuqhopheve kemi toi xülo, ikemu nongu ye kuqhophevea kepi tipau pesü küsakügha nhave nikeu ghenguno peitha kevilo; Alhou qüaxemi toi xülo.

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.

1 Peter 4:18

Eno, “Tsalá amikuchomi ghenguno xalu nikeu kushokütsü shi aghí aye alhou kümthami eno axinemi ghengu ye kiu shive nani kea?”

2 Peter 2:10

Hiye akhotoshi khunoqo no ashi lo shikuchubeve keu shinishiqhiyi eno thaigha keu kükagha pape cheni keno panongu ghenguno ke. Panongu ye amlo kumto eno akuchhoma ke, panongu ye kungugha lo küamiqo shou pipütha puku nikeu lo msà chemoe;

2 Peter 2:7

eno pa no Lot, amikuchomi lakhi, khuu ayeza hekibidemiw süqeghili ghenguno aghime kitikhi shive keno pa xalu aye

2 Peter 3:7

Pulhosü keu tsa atho tipau vechewo itehi atsütsǘ lo akeqo ngò ayeghi ye ami ghenguno ghüpe püani, tiye küghakütha tsalà lo alhou mtha kemi kütsakungo nikeu ghenguno qhipe püani ke.

1 John 2:22

Khuu no akimikiu kea? Tiye khukhumu Jisü ye Khristo kepi milive akemi ke. Hitoi kemi timi ye Khristo lakichilemi ke—Apù eno Anu milive akemi ke.

Jude 1:15

kümtsü shou küghathabe niye cheni, tiye panongu lhou kümtha vechewo alhou kümtha kümlà küxü ghenguno panongu kümtsü akipimí tsü niye, eno alhou mtha kemi axinemiqo no pa lau lakichile tsa pikeu ghenguno ke.”

Jude 1:18

Panongu no nongu vilo ishi pi, “Ashekha ghuloki lo timi jukünatha chekemi khunoqo no pano likhi panonguw alhou sümo keu kükümsüqo pape cheni keno tipaqo ipeghi nani.”

Piyeküsü 15:4

Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”