John 9:7 - Sümi Tiqhelimi Bible

⁷ Jisü no pa vilo pi, “Wulo eno Siloam zükhe lono mitheve lo!” (Siloam kiqi ye puwu keu). Ikehu timi hu no wu püzü pa gi phave, eno aki lo ideighi kelo pa ye ithuluve.

BAIBEL (BSI)

⁷ ishipi, “Wulo eno Silom Zukucho lono qhuvelo.” (Silom kiqiye “Puwukeu.”) Ike timi huno wuve puzu pa nhethi qhu eno pa nhethi tsukholu-ghi ideighi.

Sumi Naga CL (Re-edited) Bible (BSI)

⁷ eno pa vilo pi, “Wulo, Siloam zükucho lono qhuvelo.” (Siloam kiqi ye Puwu). Timi huno wu püzü pa nhethi qhuve no ithulu ghi ideighi.

John 9:7 ပူးပေါင်းရင်းမြစ်များ

MATTHEW 11:5

Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

Luke 13:4

Momu pano chighitache khunoqo Siloam lo akuchuqu ki no ilaiqi panongu veqhi pìthíve keno, nongu no kümsü keu ye panongu ye Jerusalem lo xü akemi kümtsü nguno shipimive küghashi keshea?

Luke 2:32

tiye Jewkumomi ghenguno pekiphe küvü lakhi ke, eno ow timi Israelmi ghenguno ajuküvü ke.”

John 10:36

Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

John 11:37

Ikemu panongu khami no pi, “Pa ye anhethi kighichemi nhethi xukhove tsü püzü timi hipau pelo thive pemo kepu shimlave keshea?”

John 9:11

Pa no khochile, “Panongu no Jisü ipi ku chekeu timi hu no aniba hami kunú pesü I nhethi lo nù tsüe. Pa no I vilo Siloam lo wu no mitheve lo ipi. Ike I no wu no mitheve kethiu ni ye ithuluvae.”

John 9:39

Jisü no pi, “Küghatha nike ghenguno ni ye ayeghi hipau lo ighike, tishianguno anhethi kighichemi pelo ithulu pe eno ithulu akemi pelo anhethi kighichemi shive peniye ke.”

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,