John 8:44 - Sümi Tiqhelimi Bible

⁴⁴ Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

BAIBEL (BSI)

⁴⁴ Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Sumi Naga CL (Re-edited) Bible (BSI)

⁴⁴ Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

John 8:44 ပူးပေါင်းရင်းမြစ်များ

MATTHEW 12:34

Nongu pighizü tiqo, kíshi püzü nongu küsaküghami no kiu akivi tsa pìní kea? Kughengu amlo lo kiu pekütsüpüani keno akichi lono piphe cheni.

MATTHEW 13:15

Kughengu timi hipaqo mlo ye mükamüghaivea ke; panongu kìní ye ini kushughivae, eno panongu ye pano nhethi miyiluvae. Tishimo ke aye panongu nhethi no ithuluni cheke, panongu kìní no chiluni cheke, panongu mlo lono vethaluni cheke eno xaideghi aye, I no panoqo shipivi tsüní cheke.’

MATTHEW 13:38

Alu ye ayeghiqha ke, eno apitì kivi ye kükaphu lo timiqo ke. Alupiqo ye küsaküghamiqo ke,

John 6:70

Ike Jisü no khochile, “Ni ye nongu Chighikini kishelu ke kumo keshea? Ikemu nongu dolo lakhi ye tüghami ke!”

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

John 8:38

Ni ye nongu vilo I pù küa lono kiu ithulu keno ti pi anie, eno nongu ye nongu papù lau no kiu chilu keno tishi anie.”

John 8:41

Nongu ye nongu likhi nongu papù kümlàqo shi anie.” Panongu no alomishi ghi pi, “Ningu ye ashou ngaqo kumoe. Ningu ye Apù lakhi likhi anie, ike tiye Alhou ampi ke.”

John 8:55

Nongu no pa mtha aghimu, ni ye pa ithi anie. Tsalá I no pa mtha ipi aghí aye, ni ye nongu toi akimikimi lakhi shini ake, ikemu ni ye pa ithi ani eno pa tsa lucheni ke.

Apostolmi 13:10

“No ye tüghami nu eno achipiu kümtsü sasü aghümi shikicheu ke! No ye akimiki eno pishikiqhi no chhitoi ani. No ye Ampeu’w achipiu laghiqo shichighi chekeu lono khilemu tavemo nani keshea?

Apostolmi 24:9

Jewmi kütamiqo ghí ngukube akeu lo küqha ghi hipaqo kümtsü kuchou ke ipi.

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

2 Kor. 11:3

Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

2 Peter 2:4

Kughengu kughou kungumiqo no axiné shive keno Alhou ye panongu kipimí qhitsümo no amiyizü lo sǘve eno küghathabe nike ghenguno àküzǘ yikichhe pesü panongu tshüpe qhive cheni aye;

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

1 John 2:21

Ni ye nongu no kuchou mtha ke ghenguno nongu lau yè anike kumoe, ikemu nongu no ti ithi akeu ghenguno eno kuchou lau no akimiki lakhimu ighi chemo keu ghenguno ke.

1 John 2:4

Khukhumu, “Ni ye pa ithi ani,” ipi no pa no azah tsü keqo shimo aye pa ye akimkimi ke, eno timi tipau lolo kuchou kühae.

1 John 3:12

Cain toi shi kevilo, pa ye küsaküghau laumi lakhi shi no pa thiküzüu ghiqhive ke. Eno pa ye kushiye pa thiküzüu ghiqhive kea? Kughengu pa likhi pa kümlà no küsakügha ke eno pa thiküzüu kümlà ye amikucho ke.

1 John 3:15

Khukhumu athiküzümi momu achelimi mithi chekemi ye ghikiqhimi lakhi ke, eno ghikiqhimi lakhimu lhokta küxü pano lolo ngo chemo kepi nongu no ithi ani.

Jude 1:6

Eno kungumi khipaqo no panonguw kükagha-a pe müla püzü panonguw achipi kungo-a qhive cheni keno—pa no hipaqo àküzǘ lo qhive ke, tipaqo ye lhokta yikichhe pesü küghakütha Tsalá kijè ghenguno tshüve cheni.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.

Piyeküsü 9:11

Panongu shou akükau toi keu shini keu aqokuthow kungumi ake, pa je ye Hebrew tsau no Abaddon eno Greek tsau no Apollyon.