John 8:32 - Sümi Tiqhelimi Bible

³² Tishianguno nongu no kuchou ithi nani, eno kuchou no nongu khaqhiphe nani.”

BAIBEL (BSI)

³² nonguno kuchou ithi nani eno kuchouno nongu xaphe nani.”

Sumi Naga CL (Re-edited) Bible (BSI)

³² nongu no kuchou ithi nani eno kuchou huno nongu khaqhiphe nani.”

John 8:32 ပူးပေါင်းရင်းမြစ်များ

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 16:13

Ikemu kughou kuchou Ghungu no ighini keno, pa no kuchou kümtsü pesü nongu kiche-piye nani. Pa ye pa kutoshi pimo nani; pa ye pa no chilu keu likhi pi nani, eno kiu ighi niye shi aphi keno pa no nongu vilo pitsü nani.

John 17:17

Kuchou vechewo panoqo shikimthe tsülo kughengu O tsa ye kuchou ke.

John 6:45

Tungkupu kakuqo lo ishi yèpüani: ‘Panongu kümtsü Alhou no shika nani.’ Apù tsa chilu kemi eno pa lau no shikalu kemi kümtsü I lau ighi cheni.

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

John 8:36

Ike tsalá Anu no nongu khaqhipheve aye nongu ye kuchou no khaqhipheve nani.

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

Rommi 8:15

Alhou no pa Ghungu nongu tsü keu ye nongu pesü aqüaxemi shive no nongu pelo itaghi msà kithe ghi xüpe niye tsümoe; ikemu nongu no Aghungu ithulu keu vechewo Alhou no saputhuluve keu anukishimi shitsüe, eno Aghungu küká lono ningu no, “Abba, Apùo!” ipi ighamuku cheni.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

1 Kor. 7:22

Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake.

Galatiami 5:1

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

2 Tim. 3:7

Panongu ye alhokuthu shika acheni ikemu khilemu kuchou kighithi ithiluve chemoe.

James 1:25

Ikemu khuno no kupukülai keu yeza khikhi kuqhokiphe tsü cheni keno tipau lo amlotsüqhiyi ju eno tipau lo tamo no kümsükutoju—panongu no kiu chilu keno kümsümamo no tipau shini keno—panongu ye panongu no kiu mülà keno tipau lo mügha nani.

James 2:12

Kuqhophelu keu yeza no küghathabe niye akemi toi atsa eno akümlà lono pìyelo,

1 Peter 2:16

Kuqhopheve kemi toi xülo, ikemu nongu ye kuqhophevea kepi tipau pesü küsakügha nhave nikeu ghenguno peitha kevilo; Alhou qüaxemi toi xülo.

2 John 1:1

Kichimi lau no, Alhou no kisheluve keu totimi eno li nuliqo lau, khuu I no kuchou lono kimiye cheni keno—eno I likhi kumoe, ikemu kuchou ithi akemi kümtsü no kimiye cheni—