John 8:29 - Sümi Tiqhelimi Bible

²⁹ Khuu I puwu keno pa ye I gholo ani; pa ye I likhi qhive mphi, kughengu ni ye alhokuthu kiu no pa pulou keno tipau shi cheni.”

BAIBEL (BSI)

²⁹ Khuuno ipuwu keno pano igholo ani, paye ilikhi qhivemoke kughengu ino pulhapuju pa lokiqipu shi cheni.”

Sumi Naga CL (Re-edited) Bible (BSI)

²⁹ Khuu I puwu keno Pa no I gholo ani, Pa ye I likhi qhive mphie kughengu I no alhokuthu pa lokiqipu shi acheni.”

John 8:29 ပူးပေါင်းရင်းမြစ်များ

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 3:15

Jisü no khochile, “Itehi ghengu ye ishi aghivelo; achipiumikucho kümtsü shikupu nike ghenguno hipau shikeu no achipi ke.” Tile no John no pulove tsü.

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

John 14:31

ikemu pa no ighi keu ye ayeghiqha pelo I no Apù kimiye chekeu eno I pù no azakütsü I tsüke toi shikupulu keu ithi peniye ke. “Itehi shilo; ningu wuvenie.

John 15:10

I no I pù zakütsüqo pape no paw kikimiye gholo kimepeke toi nongu no I zakütsüqo pape aye nongu ye iw kikimiye gholo kimepe anani.

John 16:32

“Ado lakhi chenie eno kuchou lo ye tihu ighivae, tipa ghuloki lo nongu ye pütüta ki lo apanaghave nani. Nongu ye I likhi qhive nani. Ikemu ni ye I likhi ani chemoe, kughengu I pù ye I gholo ani.

John 17:4

Ni ye nono I pichetsü keu kümlà shikupulu keu vechewo ayeghi lo ajuküvü pe O tsüke.

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

John 5:30

I likhi I vechewo ni ye kiumu shimlae; Ni ye I no chilu keu likhi küghathabe cheni, eno iw küghakütha ye achipi ke, kughengu ni ye I likhi I pulou kumo püzü I puwu keu pulou shini keu phu chenie.

John 6:38

Kughengu ni ye I pulou shini ke ghenguno kungugha lono iqighimoe ikemu I puwu keu pulou shini ke ighike.

John 8:16

Ikemu tsalá I no küghathabe aye, iw xaküthaqo ye kuchou ke, kughengu ni ye I likhi anike kumoe. Ni ye Apù khuu I puwu keno pa gholo puthugho anie.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

2 Tim. 4:22

Alhou no O gholo ache peniu. Alhou’w küpükini nongu kümtsü gholo apeniu.

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

IBRIMI 7:26

Hitoi keu achinetomiqo shou atou ye ningu vehupu shilu cheni—pa ye Akimtheu, tukutiye küha, kitiqemo keu, axinemiqo lau no kütashi qhive keu, eno atsütsǘ nguno kunguu sheqhe pukuve keu ke.

1 John 2:1

I no kimiye chekemi anuliqo, I no nongu lau hipau yè akeu ye nongu pelo axiné shipemo niye ke. Ikemu tsalá khukhumu axiné shi aye, ningu ye Apù gholo Shikumtokütsüu lakhi ani—tiye Jisü Khristo, Amikuchou Lakhi hu ke.

1 John 3:22

eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.