John 8:20 - Sümi Tiqhelimi Bible

²⁰ Atsa hipaqo ye achineki khala lo akümlaghoqo süche keu phivilo kütsü ake lono pikeqo ke. Ikemu pa do ighimo no akehu timi khumu pa küghamoe.

BAIBEL (BSI)

²⁰ Jisu no hipaqo kumtsu pesu kutsu, tiye Achinekilo akumllagho pekutsu chekeu-aloke. Tilehi khunomu pa kughalu vemoe kughengu pa kughalukepu tuqhudo ighimokehu.

Sumi Naga CL (Re-edited) Bible (BSI)

²⁰ Hi kümtsü pa no achineki lo kütsü akelono akümllagho kiqhi-a phivilo no pike; ikemu khunomu pa küghamoe kughengu pa do ye ighi mono ae.

John 8:20 ပူးပေါင်းရင်းမြစ်များ

MATTHEW 26:55

Tisheno Jisü no tilehi aqokitikhi vilo pi, “Ni ye ayeza hekibidemi mqo sache ghí kepu toi nongu ye kushiye akihizüta ngò asüthaluqo pesü I kügha niye ighi ani kea? Ni ye tsalà kipetsü achineki khalau iqa no kütsü ache, eno tishimu nongu ye I küghamoe.

MATTHEW 27:6

Achinetomiqo no ghükayiqo kicheluve püzü ishi pi, “Hipau pesü achinekiw akiníbo lo sǘ nikeu ye ayeza kiqi lo achipi kumoe, kughengu hiye ajì no qhüve keu pisa ke.”

Mark 12:41

Jisü no akümlagho tsü chekeu-a ghüngü lo iqa püzü aqokitikhi no achineki kinibohu lo pisa sǘ akeu chhejua. Ikelo kinímiqo kutomo no aküakini kutomo pesü akiníbohu lo vesü ae.

Mark 12:43

Jisü no pa khopemiqo ku no ishi pi, “Kuchou no I no nongu vilo pìní, athokhau achimeu hipau no kütamiqo kümtsü nguno alau akiníbohu lo süvae.

Luke 20:19

Ayeza kükütsümi eno achinetomiqo ye paikhavi Jisü küghaluve niye alaghi phuju ae, kughengu pa no aholetsa hipau pikeu ye panongu vilo piani kepi ithive. Ikemu panongu ye timiqo msà ae.

Luke 21:1

Jisü no pishipuwo ju akelo kinímiqo no panonguw aghò pesü achineki kinibohu lo pheqhisü akeu ithulu.

John 10:39

Itaghi panongu no Jisü küghaluve niye pükapütsa, ikemu pa no panongu pelo pa tsüqüluve pemo no pokajoluve.

John 2:4

Jisü no khochile, “Totimio, no ye I vilo kiu piani kea? I do ye ighi mphie.”

John 7:14

Tiqhitini pini akeu amtamu shimphi lono Jisü ye achineki khala lo iqho no kütsü thuve.

John 7:30

Tishi akelo panongu no Jisü kügha niye shi, ikemu pa do ighimo no ake ghenguno timi lakhimu pa shou au bepukumoe.

John 7:44

Khami no Jisü kügha niye shi, ikemu khumu pa shou au bemove.

John 7:8

Nongu ye tiqhitini lo wulo. Ni ye tiqhitini hipau lo iqhoni chemoe, kughengu I do ye tokuchou shimphi ke.”

John 8:2

Tsükutho lau itaghi pa ye achineki khala lo ideighi, tilehi timi kümtsü no pa sühomxa pe kumqo eno pa no panongu kütsü niye iqa.

John 8:59

Hi pi kelo panoqo no atu pesü Jisü veqhi niye atu kichethuve, ikemu Jisü no achineki khala lono tsüghüsü wuve no pa likhi pa küghütshüluve.