John 7:28 - Sümi Tiqhelimi Bible

²⁸ Jisü ye hi kutólo achineki khalau kütsü ake, ike pa no ighamuku pi, “Iyei! Nongu ye ni ithi anie, eno nongu ye I no khilau no ighi keno ithi anie. Ni ye I likhi iw kükagha lono hilehi ighiamoe, ikemu khuu I puwu keno pa ye kuchou ke. Nongu ye pa mthae,

BAIBEL (BSI)

²⁸ Ike pano achinekilo kutsukelo asheshu ghi pi: “Nonguye kuchouno niithi ani eno niye khilano ighikeno ithi ani kesha? Ikemu niye ighopulou shi ighi anike kumoe. Khuno ipuwukeno paye kuchouke eno nonguye pa mthae,

Sumi Naga CL (Re-edited) Bible (BSI)

²⁸ Ikehu Jisü no achineki lo shika akelono asheshu, “Nongu ye ni ithi ani eno I no khilano ighi keno ithi ani. Ikemu ni ye I gho-apulou lono ighi anike kumoe. Khuu no I puwu keno Pa ye kuchou eno nongu ye Pa mthae.

John 7:28 ပူးပေါင်းရင်းမြစ်များ

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

MATTHEW 2:23

eno pa ye wu no mishiphu lakhi Nazareth ipikeu lo xüacheuve. Tihu no Jisü ye Nazarene ipi ku nani kepi tungkupumiqo vechewo piqhipüa keu shikupuve ke.

MATTHEW 26:55

Tisheno Jisü no tilehi aqokitikhi vilo pi, “Ni ye ayeza hekibidemi mqo sache ghí kepu toi nongu ye kushiye akihizüta ngò asüthaluqo pesü I kügha niye ighi ani kea? Ni ye tsalà kipetsü achineki khalau iqa no kütsü ache, eno tishimu nongu ye I küghamoe.

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

Luke 2:11

Ishí tsalà lono David’w mishiphu lo nongu lau xakuluu lakhi punúvae, pa ye Messiah, Ampeu ke.

Luke 2:39

Joseph ngò Mary pama ye Ampeu Yeza kiqi lo akeu kümtsü shikupuve kethiu pama ye Galilee lo pano phu Nazareth lo idewove.

Luke 2:4

Kughengu Joseph ye David laghami kehu pa ghí Galilee yeghi lo Nazareth mishiphu lono Judea lo David’w mishiphu Bethlehem lo wuke.

Luke 2:51

Tisheno pa no pama sasü Nazareth lo iqive püzü pama ghokulu shi ache. Ikemu pazá no hi kümtsü li mlo lo akughupu shi qhiluve.

John 1:46

Nathanael no ishi iniju, “Nazareth ya! Tilehi no kiula akivi ighilu nani keshea?” Philip no pi, “Ighi püzü julo.”

John 10:36

Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

John 12:49

Kughengu ni ye I likhi I ghò shi pichemoe, ikemu I no piakeu kümtsü Apù khuu I puwu keno pa no I vilo pilo pi azah tsüve keu ke.

John 14:10

Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike.

John 14:31

ikemu pa no ighi keu ye ayeghiqha pelo I no Apù kimiye chekeu eno I pù no azakütsü I tsüke toi shikupulu keu ithi peniye ke. “Itehi shilo; ningu wuvenie.

John 16:3

Panongu no tipaphi kümlàqo shi nani kughengu panongu ye Apù momu ni mtha ke.

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 3:33

Tipau ikhilu kemiqo ye Alhou ye kuchou kepi akupulo shepe shive tsüae.

John 5:32

Kütami lakhi I saphu ghi I shepe shitsü chekeu ani, eno pa no I shepe shitsü keu ye kuchou kepi I no ithi anie.

John 5:43

Ni ye I pù je vechewo ighi ani, ikemu nongu no ni ikhilumo ke; tsalá khuala no pa likhi pa je lono ighi aye, nongu ye pa ikhilu nanie.

John 6:42

Panongu no ishi pi, “Hiye Joseph nopu Jisü ke kumo keshea, ningu ye papù eno pazá ithi anike kumo? Kíshi no pa ye itehi ye, ‘Ni ye kungugha lono iqighi ke,’ ipini kea?”

John 7:14

Tiqhitini pini akeu amtamu shimphi lono Jisü ye achineki khala lo iqho no kütsü thuve.

John 8:14

Jisü no khochile, “I no I likhi I züqhu shi thopi shi aghimu iw thopi ye peithakulupu ke, kughengu ni ye khilau no ighi eno khila wu niye shi ani keno I no ithi anie. Ikemu ni ye khilau no ighi momu khila wucheni keno nongu ye khumu mthae.

John 8:16

Ikemu tsalá I no küghathabe aye, iw xaküthaqo ye kuchou ke, kughengu ni ye I likhi anike kumoe. Ni ye Apù khuu I puwu keno pa gholo puthugho anie.

John 8:19

Ikelo panongu no pa vilo iniju, “O pù ye khila ani kea?” Jisü no khochile, “Nongu ye ni momu I pù mu ithi amoe. Tsalá nongu no ni ithi aghí ke aye, nongu ye I pù ghí ithini cheke.”

John 8:26

ni ye nongu vehu lo kutomo pi kepu ani eno nongu shou küghathabe kepu kutomo ani. Ikemu khuu I puwu keno pa ye pichebekuluu ke, eno ni ye pa lau chilu keu pesü ayeghilomi vilo pi achenie.”

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

John 9:29

Ningu ye Alhou no Moses pütsa keu ithi anie, ikemu ningu ye timi hipau ye khilau no ighi keno ti ghí mthae.”

Apostolmi 17:23

Kughengu I no iqho-iqi püzü nongu no mülá akeu julhoqo ju kelo akümlá-khache-a lakhi lo ye ishi yèpukupüa ghí keu I no ithulue: Aju kümthau Lhou Lau. Nongu no mülá acheni kemu nongu ye mtha no acheni tighenguno I no nongu vilo hipau ghili asheshu niye anie.

Rommi 1:28

Tinguno alau, panongu ye Alhou ghili ithi nikeu ameküapu shi kümsümoe, ikehu Alhou no panongu ikhiphe pesü pano kükümsü lhoküsa lo tsüve no panongu ye kiu shimo kepu keno tipau shi acheni pe ke.

Rommi 3:4

Khilemu tishimo thono! Timi jeli kümtsü no kimkimi shive namu Alhou ye kuchou shi anani. Kughengu ishi yèpüani: “Tishianguno kughou nono atsa pìní keno no ye achipi kepi kimchilu peniye ke eno kughou nono küghathabeni keno tokulu shilu peniye ke.”

2 Kor. 1:18

Ikemu mütsüqhei no Alhou ye pükhübekulu ke ghenguno ningu kükütsü sütsa lo nongu vilo “Iye” eno “Moe” ipimoe.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.