John 7:26 - Sümi Tiqhelimi Bible

²⁶ Pa ye hi anie eno mìshí zülo atsa pi anie, ikeghi panongu ye atsa lakhimu pa vilo piamoe. Ayekipemiqo ye kuchou no pa ye Messiah kepi xathava keshea?

BAIBEL (BSI)

²⁶ Juniwa, paye timiqo zulono atsa piani eno khumu pa shou kiumu piamoe! Khilehi nitimi sakiphemi qoye paye Mesiya kepi kuchouno ithivea kesha?

Sumi Naga CL (Re-edited) Bible (BSI)

²⁶ Pa julo, aqha zülono atsa pi akeghi panongu ye kiumu pa vilo piamoe! Khileala sakiphemiqo ye pa ye Khristo kepi kuchou no ithive akeo lae?

John 7:26 ပူးပေါင်းရင်းမြစ်များ

MATTHEW 22:16

Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

Luke 23:13

Pilate no achinetomi, ayekipemi eno timiqo ku kumqo,

Luke 7:30

Ikemu Phariseemi ngò ayeza lo shitsamiqo ye panongu ghenguno Alhou kimiji akeu milive, kughengu panongu ye John no baptiz shimo no ake.

John 12:42

Tishi namu tipau lo timi kutomo eno sakiphemiqo dolo ghí pa shou pülüluve. Ikemu panongu ye Phariseemiqo no panongu pesü synagog lono hapheve nikeu kümsà lau no panongu ye pekiphe shi panongu küpülü shuphemoe;

John 18:20

Jisü no khochile, “Ni ye ikhikiphe shi ayeghilomi vilo pivae. Ni ye alhokuthu Jewmiqo kümtsü no ighino kumqo chekeu-a synagogqo momu achineki lo kütsü achenie. Ni ye tuqhou shi kiumu pipüamoe.

John 3:1

Ike Phariseemi lakhi pa je Nicodemus ipikeu ache, pa ye Jewmi yekipe mijekütsü mqo lo kihiküsümi lakhi ke.

John 4:29

“Ighilo, I no mülàpüa keu kümtsü I vilo pivetsü keu timi julo. Hino Messiah shi aghí nani keshea?”

John 7:25

Tipau tüqhüdo lo Jerusalemiqo khami no ishi iniju thuve, “Timi hipau ye Jewmi sakiphemiqo no pìthíve niye pükapütsa akeu ke kumo keshea?

John 7:31

Tishimu, aqokitikhi dolo timi kutomo no pa pülüluve. Panongu no pi, “Kughou Messiah ighini keno, pa ye timi hipau nguno akichiù amichipu kümlàqo shi nani keshea?”

John 7:48

Ayekipemi momu Phariseemiqo khiuala ye pa pülüve keshea?

John 9:22

Anhethi kighicheu pù-aza ye Jewmi sakiphemiqo kümsà lau no hi pike, kughengu Jewmi sakiphemiqo ye azüu no khukhumu Jisü ye Messiah kepi ikhilu kemi ye synagog lono hapheve nikeu shi xakütha shipepüa ke.

Apostolmi 4:13

Kughou panongu no Peter ngò John pama mlo kumto ithulu püzü pama ye akiphiki lo wujumo kemi, inapügha timiqo paphi ipikeu ithive keno panongu ye akichiqhive no pama ye Jisü gholo ache kena ipi kimchiluve.

FILIPIAMI 1:14

Eno I no akughuki lo akeu ghenguno athiküzümi eno achelimiqo akichiù no Ampeu shou pülükibe qhiluvea eno akümsa küha no atsakiviu pesü asheshu nikeu lo alau amlo kumto shiluvae.