John 7:14 - Sümi Tiqhelimi Bible

¹⁴ Tiqhitini pini akeu amtamu shimphi lono Jisü ye achineki khala lo iqho no kütsü thuve.

BAIBEL (BSI)

¹⁴ Aghulhu shikeu tsalaqo tuxa shivekethiu Jisu no achinekilo wu eno timiqo kutsuthuve.

Sumi Naga CL (Re-edited) Bible (BSI)

¹⁴ Aghulhu ghuloki tüxa wove kethiu Jisü no achineki lo wuno kütsü thuve.

John 7:14 ပူးပေါင်းရင်းမြစ်များ

MATTHEW 21:12

Jisü no achineki khala lo ilo no küqhü-kili shi aghikemiqo kümtsü hapheve. Pa no pisa kili akemi eno miqhedu je akemiqow akibepu eno alakhüqo kümtsü tukulove tsüe.

MATTHEW 26:55

Tisheno Jisü no tilehi aqokitikhi vilo pi, “Ni ye ayeza hekibidemi mqo sache ghí kepu toi nongu ye kushiye akihizüta ngò asüthaluqo pesü I kügha niye ighi ani kea? Ni ye tsalà kipetsü achineki khalau iqa no kütsü ache, eno tishimu nongu ye I küghamoe.

Luke 19:47

Tsalà kipetsü Jisü ye achineki lo kütsüa. Ikemu achinetomi eno ayeza kükütsümi ngò timiqo dolo sakiphemiqo ye pa pìthíve niye pükapütsa ae.

John 18:20

Jisü no khochile, “Ni ye ikhikiphe shi ayeghilomi vilo pivae. Ni ye alhokuthu Jewmiqo kümtsü no ighino kumqo chekeu-a synagogqo momu achineki lo kütsü achenie. Ni ye tuqhou shi kiumu pipüamoe.

John 5:14

Ado hami thiu Jisü no achineki lo pa ithulu no pa vilo ishi pi, “Julo, no ye viluvae. Axiné shi kevilo tishimo aye alhoküsa hinguno aküsàu O shou ikughi nosake.”

John 7:2

Ikemu kughou Jewmiqo’w Puloshoqhi-chebo Tiqhitini kupunúve keno,

John 7:28

Jisü ye hi kutólo achineki khalau kütsü ake, ike pa no ighamuku pi, “Iyei! Nongu ye ni ithi anie, eno nongu ye I no khilau no ighi keno ithi anie. Ni ye I likhi iw kükagha lono hilehi ighiamoe, ikemu khuu I puwu keno pa ye kuchou ke. Nongu ye pa mthae,

John 7:37

Tiqhitini pinedo ashekhau eno ajekipi tsalà lo, Jisü no puthugho no ighamuku pi, “Khukhumu tüghüthi kemi ye I lau ighino yelu pelo.

John 8:2

Tsükutho lau itaghi pa ye achineki khala lo ideighi, tilehi timi kümtsü no pa sühomxa pe kumqo eno pa no panongu kütsü niye iqa.

John 8:20

Atsa hipaqo ye achineki khala lo akümlaghoqo süche keu phivilo kütsü ake lono pikeqo ke. Ikemu pa do ighimo no akehu timi khumu pa küghamoe.