John 6:63 - Sümi Tiqhelimi Bible

⁶³ Aghungu no aküxü tsü cheni; ashi ye kiumu kihi akepu kühae. I no nongu vilo pive keu tsaqo ye Aghungu eno aküxü no chhitoi ani.

BAIBEL (BSI)

⁶³ Aghungu no akuxupu tsu cheni; ashiye kiumu ala shilu chemoe. Ino nongu vilo pikeqo tsaye aghungu eno akuxupu ke.

Sumi Naga CL (Re-edited) Bible (BSI)

⁶³ Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

John 6:63 ပူးပေါင်းရင်းမြစ်များ

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

Apostolmi 5:20

Kungumi no panongu vilo pi, “Wulo, achineki lo puthugho no timiqo vilo aküxü kithé hipau ghili pesü pilo.”

Rommi 10:17

Tighenguno, aküpülü ye akükütsü sütsa chilu keu lono ighi cheni, eno akükütsü sütsa ye Khristo ghili pikülha keu vechewo chilu cheni.

Rommi 2:25

Nongu Jewmiqo no ayeza papelu aye aphighüyiko-küghá lo ameküa ani, ikemu nongu no ayeza hebide aye, nongu ye aphighüyiko ghamo kemi Jewkumomi toivea ke.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

Galatiami 5:25

Ningu no Aghungu lono xü cheghi aye, ningu Aghungu ghaküsü qholo no xüni nolo.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Galatiami 6:15

Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

1 Tim. 4:8

Kughengu aphimpi qokiphe lo ameküa hami acheni ikemu Alhou lau amlo tsü keu lo thime kümtsü ghenguno ameküapu anie. Kughengu tishi keu hu no itehi xü akeu ngò ighi niye akeu küxü küma ghenguno pikiqhi pesü anike.

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

1 Peter 1:23

Kughengu nongu ye tsümave nikeu piti kumo no tsümavemo nikeu piti, tiye xü akeu eno pühavemo nikeu Alhou tsa vechewo punú kitheve ake.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,