John 6:53 - Sümi Tiqhelimi Bible

⁵³ Jisü no panongu vilo pi, “Kuchou no I no nongu vilo pìní, Timi Nu shi chumo eno pa jì yemo ke thaqhülo nongu ye lhokta küxü ithumla nani.

BAIBEL (BSI)

⁵³ Jisu no panoqo khochile, “Kuchouno ino nongu vilo pini: nonguno Timi Nu shi aji chumo eno shomo aye nonguye nongu lolo akuxupu kuha nanie.

Sumi Naga CL (Re-edited) Bible (BSI)

⁵³ Ikehu Jisü no panoqo khochile, “Kuchou no I no nongu vilo piani: nongu no Timi Nu shi eno aji chusho moke thaqhülo nongu lolo aküxüpu kühae.

John 6:53 ပူးပေါင်းရင်းမြစ်များ

MATTHEW 18:3

Eno pa no pi: “Kuchou no I no nongu vilo piani, nongu no kilive püzü itimi lakhi toivemo ke thaqhülo, nongu ye khilemu kungugha kükaphu lo ilo müla nani.

MATTHEW 5:18

Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

Luke 13:3

I no nongu vilo piani, kumoe! Ikemu nongu no amlo pebidemo aye nongu ghí kümtsü pühave nani.

Luke 13:5

I no nongu vilo piani, kumoe! Ikemu nongu no amlo pebidemo aye, nongu ghí kümtsü pühave nani.”

John 13:8

Peter no pi, “Moe, O pelo khilemu I pukhu qhupemoe.” Jisü no khochile, “I no O pukhu qhutsümo ke thaqhülo no ye Iw shimla nani.”

John 15:4

I gholo kimepe achelo kughengu ni ghí nongu gholo kimepe anike. Aloka ye pa likhi pa kutoshi athi pithílu chemoe; tiye atsaibo gholo kimepe aghí moayesa ke. Titoi nongu ghí I gholo kimepemo ke thaqhülo ye athi pithí mülae.

John 3:3

Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 6:55

Kughengu I shi ye kuchou chuqu eno I jì ye yelu kepu kuchou ke.

John 6:62

Tishiaye tsalá Timi Nu no püzüu pa no achekeu-a lo ikuve keu nongu no ithulu aye kíshive nani kea!

1 John 5:12

Khukhumu Anu akemi ye aküxü ani; khukhumu Alhou Nu küha keu ye aküxü kühae.

Piyeküsü 2:17

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no tokuluu keno, I no manna küsüpüa keu khami pesü tsü nani. Tisheno I no itaghi atu miyetsüghoi keu lakhi lo aje kithé lakhi yèpuku no timi tipau tsü nani. Eno tiye timi khuu no tipau ithuluni keno pa likhi no ithi nani.

Piyeküsü 2:7

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no toluvea keno pa pelo Alhou ghuno-a lo aküxüpu sübo akeu lono chulu pe nikeu I no azah tsü nani.