John 6:40 - Sümi Tiqhelimi Bible

⁴⁰ Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

BAIBEL (BSI)

⁴⁰ Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

Sumi Naga CL (Re-edited) Bible (BSI)

⁴⁰ Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

John 6:40 ပူးပေါင်းရင်းမြစ်များ

MATTHEW 10:15

Kuchou no I no nongu vilo pìní, küghakütha tsalà lo mishiphu tipau ye Sodom ngò Gomorrah nguno alau ghimeqhi nani.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

Luke 2:30

Kughengu I nhethi no ow xakulu ithuluvea,

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 11:24

Martha no khochile, “Pa ye ashekha tsalà lo xülekuthu shi kelo itaghi ithughive nani kepi I no ithi anie.”

John 11:25

Jisü no li vilo pi, “Ni ye xülekuthuu eno aküxü ke. Khuu no I pülüni keno panongu ye thive namu xüluve nanie;

John 12:45

Timi khuu no I shou jupuku ani keno pa ye I puwu akeu ithulu ani.

John 12:50

I no ithi akeu ye pa yeza no lhokta küxüpu lo sawu cheni. Ike I no kiu pi cheni keno tiye Apù no I vilo pilo pikeu ke.”

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 14:19

Kusho kumo lo ayeghiqha ye ni ithulu kithemove nani, ikemu nongu ye ni ithulu nani. I no xü anike ghenguno nongu ghí xü nani.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

John 6:39

Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

John 6:44

I puwu keu Apù no sasü ighimo ke thaqhülo ye timi khumu I lau ighi mülae, eno ashekha tsalà lo I no panongu xüputhu nani.

John 6:54

Khukhumu I shi chu eno I jì ye keu ye lhokta küxü anani eno I no ashekha tsalà lo panongu xüputhu nani.

John 8:56

Nongu papù Abraham no I tsalà ithulu nikeu kümsü no alovishe ke; pa no ti ithulu eno alokivishi ke.”

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

IBRIMI 11:1

Tishiaye aküpülü ye ningu no laju akeu shou pülübe keu ngò ningu no ithumla keu shou pülüqhiyi keu ke.

IBRIMI 11:27

Pa ye aküpülü vechewo akükau loghu msàmo no Egypt qhive ke; pa ye tsükhoi shike kughengu pa ye khuu ithulu chemo keno pa ithulu ke.

1 Peter 1:8

Nongu ye pa ithulu mphi kemu, nongu no pa kimiye ke; eno nongu no itehi pa ithumla namu, nongu no pa shou pülü ke eno piphekümlapu eno ajuküvü lokiqi no chhitoi anike,

1 John 2:25

Eno pa no ningu lau piqhipüa keu ye hike—tiye lhokta küxü ke.

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.