John 6:35 - Sümi Tiqhelimi Bible

³⁵ Tisheno Jisü no asheshu ghi pi, “Ni ye aküxüpu sho ke. I lau ighi kemi ye khilemu müzüthimo nani, eno I pülü kemi ye khilemu tüghüthimo nani.

BAIBEL (BSI)

³⁵ Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

Sumi Naga CL (Re-edited) Bible (BSI)

³⁵ Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

John 6:35 ပူးပေါင်းရင်းမြစ်များ

MATTHEW 11:28

“Nongu amakho kimishí xapu lhove kemiqo kümtsü I lau ighilo, I no nongu kulhoqhi tsü nike.

Luke 6:25

Nongu itehi chhikhoi akemiqo ghenguno ahaküsapue, kughengu nongu ye müzüthi anani. Nongu itehi nu akeqo ghenguno ahaküsapue, kughengu nongu ye mloqa eno anhezü-piji nani.

John 4:15

Totimi hu no pa vilo pi, “Akijeu, ni ye tüghüthi kithemove püzü azü penike ghenguno hilehi ighi keu shimove nike azü hipau I tsülo.”

John 5:40

tishiaghimu nongu no I lau ighi püzü aküxü aluve nikeu milive ke.

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 6:41

Jisü no, “Ni ye kungugha lono iqighi keu sho ke,” ipikeu ghenguno tilehi Jewmi akeqo ye nhenheshi Jisü ghili kügha thuve.

John 6:65

Pa no ishi pikibe, “Hi ghenguno Apù no shilupemo ke thaqhülo ye timi khumu I lau ighi mülae ipi I no nongu vilo pivae.”

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.

Piyeküsü 7:16

‘Panongu ye khilemu müzüthi kithemae; panongu ye khilemu tüghüthi kithemae. Panongu ye khilemu khetsünhe külǘ,’ momu kiu külǘ nomu panongu ghaqhimo nani.