John 6:27 - Sümi Tiqhelimi Bible

²⁷ Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

BAIBEL (BSI)

²⁷ Puhavekepu chuqupu ghenguno ime mla kevilo, ikemu lhokta kuxupu kutolo achekepu chuqupu ghenguno ime mlalo. Achuqupu tiye Timi Nu no nongu tsu nani, kughengu Apu Alhou no pa shou pa ghaqikeu michipu bevae.”

Sumi Naga CL (Re-edited) Bible (BSI)

²⁷ Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 6:27 ပူးပေါင်းရင်းမြစ်များ

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

MATTHEW 6:19

“Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni.

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

Mark 1:11

Eno kungugha lono asütsa lakhi ishi pi: “No ye I nu, I no qhuivü chekeu ke; O shou I mlokiqi achenie.”

Mark 9:7

Tishi kemtsa khüngküsü ipeghino panongu küzüpholuve, eno khüngküsü lono asütsa lakhi ighi: “Hiye I nu I no kimiye chekeu ke. Pa gholulo.”

Luke 3:22

eno Aghungu Kimthe ampi no miqhedu lakhi toi ighino pa shou iku ngove. Eno kungugha lono asütsa lakhi ighi: “No ye I no qhuivü chekeu, I nu ke; O shou I mlokiqi achenie.”

Luke 9:35

Khüngküsü lono asütsa lakhi ighino ishi pi, “Hiye I nu, I no kisheluve keu ke; pa tsa inilo.”

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 11:42

No ye alhokuthu I kighini chilutsü cheni kepi I no ithi anie, ikemu ni ye hilehi puthugho akemiqo kivipu ghenguno hi piani, tishianguno nono I puwu kepi panongu pelo pülülu peniye ke.”

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 3:15

tishianguno pa pülülu kemi kümtsü lhokta küxü ithulu peniye ke.”

John 3:33

Tipau ikhilu kemiqo ye Alhou ye kuchou kepi akupulo shepe shive tsüae.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 6:53

Jisü no panongu vilo pi, “Kuchou no I no nongu vilo pìní, Timi Nu shi chumo eno pa jì yemo ke thaqhülo nongu ye lhokta küxü ithumla nani.

John 6:54

Khukhumu I shi chu eno I jì ye keu ye lhokta küxü anani eno I no ashekha tsalà lo panongu xüputhu nani.

John 6:58

Hiye kungugha lono iqighi keu sho ke. Nongu pù-asüqo ye manna chu no thive ke, ikemu khukhumu asho hipau no lojí keu ye lhokta xüache nani.”

John 6:62

Tishiaye tsalá Timi Nu no püzüu pa no achekeu-a lo ikuve keu nongu no ithulu aye kíshive nani kea!

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

John 8:18

Ni ye I likhi I ghenguno thopi shi akeu lakhi ke; iw thopi lakhiu ye I puwu keu Apù hu ke.”

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

Rommi 4:11

Eno pa ye aphighüyiko-küghá shimphi züu no aküpülü vechewo achipiumikucho chishida keu michi shi aphighüyiko-küghá ikhilu ke. Tishiaye, pa ye aphighüyiko ghamo namu pülü chekemiqo kümtsü papù ke, tishi keu vechewo panoqo pelo achipiu mikuchomi kepi kihi kulupu shipe niye ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

1 Kor. 9:2

Ni ye kütami ghenguno ye apostolmi lakhi shi aghimo namu nongu ghenguno ye mütsüqhei no ni ye apostolmi lakhi ke! Kughengu ni ye Ampeu’w apostolmi lakhi ke ipi akeu ye nongu no chishida keu toi amichi shitsü anike.

2 Kor. 4:18

Ikehu ningu ye kiu ithulu ani keno tipau shou ningu mlo tsüqhiyi chemoe, ikemu kiu ithulu chemo keno tipau shou ningu mlo tsüqhiyi cheni. Kughengu kiu ithulu ani keno tiye ado kitila ghenguno ke, ikemu kiu ithulu chemo keno tiye lhokta ghenguno ke.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

FILIPIAMI 2:13

kughengu Alhou no pa kimiji kivi shikupulu penike eno pulolu penike ghenguno nongu lolo mülà acheni.

Kolosiami 1:29

Hi ghenguno ni ye Khristo küká I lolo mülà akeu shou pükhübe no shishe ichhe-ime mülà acheni.

Kolosiami 2:22

Ayeza jeli hipaqo kümtsü peitha ghi pühaveni keqo ke eno hipaqo ye timi no mülà keu zakütsü eno shikükaqo likhi ke.

Kolosiami 3:2

Nongu kükümsü pesü kungu lo thimeqo shou belo, ayeghi lo thimeqo shou kümsüpuku kevilo.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

IBRIMI 12:16

Khuu pelo nomu kipito küxü lo mithemove keu shipemo nike, momu Esau, khuu anu akichiú shi anamu akhuna lakhi ghenguno pa mheghi chipiu jeve keno, pa toi Alhou sümsamo keu shipemo nike jukuto lo.

IBRIMI 4:11

Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

James 1:11

Kughengu khetsünhe ye ghaqhi keu külǘ gholo no ipeghi cheni eno atsüniqo pelo ighüyive pe cheni; atsüni kùpú ikiqive cheni eno tipau jukivi kütsave cheni. Tipau tho lono, kinímiqo ye panongu no mülà chekeu kümlà lono ighüive nani.

1 Peter 1:24

Kughengu, “Timi kümtsü atsüni toi ke, eno panongu juküvü kümtsü alu lo axamunuqo toi ke; atsüni ye ighüyive cheni eno axamunu ye ighiqive cheni,

2 Peter 1:17

Kughou Akükanguagha Juküvü lono pa lau asütsa ighino, “Hiye I Nu, I no kimiye chekeu ke; pa lau I lokiqi acheni,” ishi pi keno tile no pa ye Apù Alhou lau no agigihu eno ajuküvü ithulu ke.