John 5:46 - Sümi Tiqhelimi Bible

⁴⁶ Nongu no Moses pülü cheghi aye, nongu ye I pülüni cheke, kughengu pa no I ghili yè ke.

BAIBEL (BSI)

⁴⁶ Nonguno Muse pulu keaye nonguye ipulu nicheke, kughengu pano ighili yehke.

Sumi Naga CL (Re-edited) Bible (BSI)

⁴⁶ Nongu no Moses pülüke aye nongu ye I pülüni cheke, kughengu pa no I ghili yeke.

John 5:46 ပူးပေါင်းရင်းမြစ်များ

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

John 1:45

Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

John 5:47

Ikemu nongu ye pa no yè keu papú pülümo ke kíshi püzü I no pikeu pülüluni kea?”

Apostolmi 26:22

Ikemu Alhou no ishí tsalà kutólo I kuphutsü ke; tishikehu ni ye hilehi puthugho no kijemi ngò kitilami kümtsü lau I shepe tsülu ani. Ni ye tungkupumiqo ngò Moses no kiu shi nani keno pitsü keu nguno alau ye kiumu alá piamoe, tiye—

Rommi 10:4

Küpülümi kümtsü pelo achipikalu penike ghenguno Khristo no ayeza kishekhave tsüke.

Galatiami 2:19

“Kughengu ni ye Alhou ghenguno xü anike ghenguno ayeza vechewo ni ye ayeza lo thivae.

Galatiami 3:10

Kughengu ayeza lo shikupulu keu shou pükhü chekemi kümtsü ishi yèpüa keu toi ghusho nani: “Khunoqo no Ayeza Kaku lo yèpüa keu kümtsü papemo nike no angsü shive pelo.”

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

Galatiami 3:24

Ike Khristo no ighino aküpülü lono ningu pelo achipikalu pemo ke kutólo ayeza no ningu kheu shi acheke.