John 5:25 - Sümi Tiqhelimi Bible

²⁵ Kuchou no I no nongu vilo pìní, ado lakhi cheni eno itehi hi ighivea, ike tiye kithimi no Alhou Nu sütsa chilu nani eno khunoqo no tipau chiluni keno xülu nani.

BAIBEL (BSI)

²⁵ Kuchouno ino nongu vilo pini, aghuloki hu cheni, kithimino Alhou Nu sutsa chilu nikeu ghuloki hu cheni, eno aghuloki hu ighiva, eno pa sutsa chilukemi qoye xulu nani.

Sumi Naga CL (Re-edited) Bible (BSI)

²⁵ “Kuchou no I no nongu vilo piani, kithimi no Alhou Nu sütsa chilu, eno pa sütsa chilu kemi no xüluni keu ghuloki wocheni, eno ti ye ighivae.

John 5:25 ပူးပေါင်းရင်းမြစ်များ

Luke 15:24

Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.

Luke 15:32

Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”

Luke 9:60

Jisü no pa vilo pi, “Kithimi pelo kithimi kumo shiqho apelo, ikemu no ye wu no Alhou kükaphu ghili pesü asheshu lo.”

John 13:1

Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 4:21

Jisü no khochile, “Totimio, I pülülo, kughengu nongu ye naghuto hipau lo ke kumo no Jerusalem lomu Apù mülámove nikeu do wo chenie.

John 4:23

Tishiaghimu ado lakhi cheni eno tiye ighivae, tiye kuchou no mülá chekemiqo no Aghungu eno kuchou lono Apù mülá nani, kughengu panongu ye Apù no phu chekeu kümlamíqo ke.

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

John 5:28

“Hipau lo akümza kevilo, kughengu ado lakhi cheni, tiye akumoki lo akemiqo kümtsü no pa sütsa chilu

John 6:60

Hipau chilu kelo pa papemiqo kutomo no ishi pi, “Hiye ighono kushokütsü kükütsü shi ani. Khuu no hi ikhikulupu kea?”

John 8:43

I tsa ye nongu ghenguno kushiye mütsümisheimo kea? Tiye nongu no I no kiu piani keno ini nishimo keu ghenguno ke.

John 8:47

Khukhumu Alhou laumi ye Alhou tsa ini cheni. Nongu no inimo keu ye nongu no Alhou laumi kumo keu ghenguno ke.”

John 9:27

Pa no khochile, “I no nongu vilo pivae ikemu nongu no inimo ke. Nongu ye kushiye itaghi chilu nishi ani kea? Nongu ghí pa khopemi shinishi ani keshea?”

Rommi 6:4

Tighenguno ningu ye baptiz shikeu vechewo pa gholo thive no qho küqhavae, tishi keu vechewo Apù juküvü vechewo akithí lono Khristo xüputhuve keu toi, ningu ghí aküxü kithé xülu peniye ke.

Ephesiami 2:1

Nongu ye nongu hekibide eno nongu xiné lo thive no acheke.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

Ephesiami 5:14

Hi ghenguno ishi pike: “Zü akemiqo, ithuvelo, kithimi gholo no ithughivelo, eno Khristo no nongu shou yepüvü tsü nani.”

Kolosiami 2:13

Kughou nongu no nongu xiné lo thive no ache eno aphighüyiko ghamo no ache keno, Alhou no Khristo vechewo nongu püxü tsüe. Pa no ningu xiné kümtsü pevetsü ke.

Piyeküsü 3:1

“Sardis lo akukuhouw kungumi lau yèlu ani: Atsa hipaqo Alhou’w aghungu tsünì eno ayepu tsünì pesü akeu tsa ke. I no O kümlà ithi anie; no ye xü akeu ghenguno ajekipi shi ani, ikemu no ye thivae.