John 3:6 - Sümi Tiqhelimi Bible

⁶ Ashi no ashi punú cheni, eno Aghungu no aghungu punú cheni.

BAIBEL (BSI)

⁶ Ashi lono kiu punu keno tiye ashie, eno Aghungu lono kiu punu keno tino Aghungue.

Sumi Naga CL (Re-edited) Bible (BSI)

⁶ Ashi lono kiu punu keno ti ye ashi, eno Aghungu lono kiu punu keno tino aghungue.

John 3:6 ပူးပေါင်းရင်းမြစ်များ

John 1:13

panongu no Alhou nuli shilu keu ye timi lhoaye lono punúlu keu kumoe, tikumo no timiw xakütha momu timi pulou lono kumoe, ikemu Alhou vechewo ke.

John 3:7

I no O vilo, ‘No ye punú kithe moayesae,’ ipi akeu lo no ye akümzaqhiyi akepu kumoe.

Rommi 7:18

Kughengu I no ithi akeu no I lolo I xiné lhoaye lo pa kutoshi no akivi achemoe. Kughengu ni ye kiu no akivi keno tipau shinishiqhiyi acheni, ikemu ni ye tipau shilu chemoe.

Rommi 7:25

Jisü Khristo ningu Mpeu vechewo I xalu keu Lhou shikimthi! Tishiaye, I kükümsü lo I likhi ni ye Alhou yeza qüaxemi lakhi kepi kümsülu ani, ikemu I xiné lhoaye lo ni ye axiné yeza qüaxemi lakhi ke.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Rommi 8:13

Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

1 Kor. 6:17

Ikemu khukhumu Ampeu gholo küqhave aye pa ye aghungu lono pa gholo lakhi shivae.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

Galatiami 5:24

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Ephesiami 2:3

Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

Kolosiami 2:11

Pa vechewo nongu ghí aphighüyiko ghavae ikemu tiye timi u no aphighüyiko-gha keu kumoe. Kughou nongu no Khristo vechewo aphighüyiko ghave keno timi lhoaye no nongu phimpi kuchopu shou ayè pe chekeu ikhivea ke.

1 John 3:9

Khukhumu Alhou lau no punú kitheve kemi ye axiné shiauve chemoe, kughengu Alhou tsa no pano lolo acheni ke; panongu ye axiné shiauve mülae, kughengu panongu ye Alhou lau no punú kitheluvea ke.