John 3:3 - Sümi Tiqhelimi Bible

³ Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

BAIBEL (BSI)

³ Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

Sumi Naga CL (Re-edited) Bible (BSI)

³ Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 3:3 ပူးပေါင်းရင်းမြစ်များ

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

MATTHEW 19:24

Itaghi I no nongu vilo pìní, kiními lakhi no Alhou kükaphu lo ilolu nikeu ye sayeshi lakhi no ayipuki lono ipu-ipeve keu no akümláue.”

MATTHEW 21:31

“Hi pama dolo khikhiu no apù no pulo akeu shilu kea?” “Atüghiu noe,” ipi panongu no khochile. Jisü no panongu vilo pi, “I no kuchou no nongu vilo pìní, zame küqhami eno kütüqhamiqo no nongu züu no Alhou kükaphu qholo ilo auvae.

MATTHEW 5:18

Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

Mark 10:14

Kughou Jisü no ti ithulu keno, pa ye aghaideve. Pa no panongu vilo pi, “Itimiqo pelo I lau ighi pelo eno panongu lakha kevilo, kughengu Alhou kükaphu ye hitoi kemiqow ke.

Mark 9:47

Eno tsalá O nhethi no O müsü sasü axiné shive pe aye, ti lejove no pevelo. Anhethi kini xapusü amiyizü lo vesüve nike züqhulo anhethi lakhi likhi xapusü Alhou kükaphu lo ilo keu pavie.

John 1:13

panongu no Alhou nuli shilu keu ye timi lhoaye lono punúlu keu kumoe, tikumo no timiw xakütha momu timi pulou lono kumoe, ikemu Alhou vechewo ke.

John 1:5

Aküvü hu no àküzǘ lo yepüvü, eno àküzǘ ye khilemu tipau küzüphove mülae.

John 1:51

Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

John 12:40

“Pa no panoqo nhethi kighicheve tsü, eno panoqo mlo shikümkave tsüke, ghenguno panongu nhethi nomu ithulu kepu shimo nani, momu panongu mlo nomu vethamla nani, momu xaideghimo nani—eno I no panongu shipivi tsü nani.”

John 3:4

Nicodemus no ishi iniju, “Timi lakhi ye kichimi shive no kíshi püzü punú kithelu nani kea? Mütsüqhei no panongu ye panoqo pazá tita lo punú nike ghenguno akiniù ilo kithe müla nanie!”

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

Galatiami 6:15

Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

Ephesiami 2:1

Nongu ye nongu hekibide eno nongu xiné lo thive no acheke.

Titus 3:5

pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

1 Peter 1:3

Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

1 John 2:29

Tsalá nongu no pa ye amikucho kepi ithi aghí aye, khukhumu kiu no achipi keno tipau shi chekemi ye pa vechewo punuluvea kepi nongu no ithi ani.

1 John 3:9

Khukhumu Alhou lau no punú kitheve kemi ye axiné shiauve chemoe, kughengu Alhou tsa no pano lolo acheni ke; panongu ye axiné shiauve mülae, kughengu panongu ye Alhou lau no punú kitheluvea ke.

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

1 John 5:18

Ningu no ithi akeu no khukhumu Alhou nuli shiluve kemi ye axiné shiauve chemoe; Timi khuu no Alhou nuli shiluvea keno tipaqo ye süsho pe qhive cheni, eno küsaküghau hu ye panongu shipüsa müla nani.

1 John 5:4

kughengu Alhou lau no punúve kemi kümtsü ayeghiqha theqhilu cheni. Ningu küpülü vechewo ayeghiqha shou theqhikulu shilu keu ghí tokulu hipau ke.

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.