John 3:2 - Sümi Tiqhelimi Bible

² Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

BAIBEL (BSI)

² Pano putho lono Jisu lau ighieno pa vilo pi: “Rabi, nino ithianike noye Alhou launo ighikemi akukutsuu lakhie. Alhou no timi lakhi gholo aghimokeloye timi khunomu nono amchipu kumla shilu akeqo shiluni chemoe.”

Sumi Naga CL (Re-edited) Bible (BSI)

² Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 3:2 ပူးပေါင်းရင်းမြစ်များ

MATTHEW 22:16

Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

MATTHEW 23:7

Kütamiqo pelo alhikishi-a lo gihu ghi petha panongu tsüpe nishi eno ‘Rabbi,’ ipi panongu ku penishi cheni.

MATTHEW 23:8

“Ikemu nongu ye ‘Rabbi,’ ipi ku kepu kumoe, kughengu nongu ye akükütsüu lakhi likhi ani, eno nongu kümtsü athiküzümi ke.

Mark 12:14

Panongu no pa lau ighino pi, “Akükütsüu, ningu no ithi akeu ye no ye kikhikighimi lakhi. No ye kütami no züluve chekemi kumo, kughengu panongu ye khuu keno no ye tipau akhotoshi chemo; ikemu no ye Alhou laghi kuchou ghili kütsü acheni. Imaye ningu no akükaqha zame Caesar tsü keu ye achipi keo mokea?”

John 1:38

Jisü no tsüghǜ idewo pama no pape chekeu ithulu no iniju, “Nokujo ye kiu avehupu shi ani kea?” Pama no pi, “Rabbi” (hipau kiqi ye “Akükütsüu”), “no ye khile ngo niye ani kea?”

John 10:38

Ikemu tsalá I no tipaqo shi aye nongu no I pülümo namu akümlàqo pülülo, tishianguno nongu no Apù no I lolo akeu eno I no Apù lolo akeu ithi no vethalu nani ke.”

John 12:37

Jisü no panongu nhekithe lono amichipu kümlà kutomo shi kethiu ghí panongu ye pa shou pülümoe.

John 14:10

Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike.

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

John 2:11

Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

John 20:16

Jisü no li vilo pi, “Mary.” Ikelo li no Jisü küdau tsüghǜ ighino Arameami tsau no ishi ighamuku, “Rabboni!” (hipau kiqi ye “Akükütsüu”).

John 3:26

Panongu no John lau ighino pa vilo ishi pi, “Rabbi, timi lakhi O gholo Jordan hukukuu ngo akeu eno nono ashepe shitsü keu hu julo, pa ye baptiz shitsü ani eno kümtsü no pa lau wu anie.”

John 4:31

Tishi akelo Jisü khopemiqo no pa vilo, “Rabbi, kiula chulo,” ipi qhüiniju ke.

John 5:36

“Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

John 6:2

ikelo timi kutomo no Jisü no küsükinimi shipivi keu vechewo amichipu kümlàqo shikeu ithulupüa kehu panongu ye Jisü pape ighie.

John 7:31

Tishimu, aqokitikhi dolo timi kutomo no pa pülüluve. Panongu no pi, “Kughou Messiah ighini keno, pa ye timi hipau nguno akichiù amichipu kümlàqo shi nani keshea?”

John 9:16

Phariseemiqo khami no pi, “Timi hipau ye Alhou lau no ighi kemi kumoe, kughengu pa ye Sabbath tsalà ikhilu amoe.” Ikemu kütamiqo no iniju, “Kíshi no axinemi lakhi ye amichipu kümlà hitoi keqo shilu nani kea?” Ikehu panongu dolo kijethave.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

FILIPIAMI 1:14

Eno I no akughuki lo akeu ghenguno athiküzümi eno achelimiqo akichiù no Ampeu shou pülükibe qhiluvea eno akümsa küha no atsakiviu pesü asheshu nikeu lo alau amlo kumto shiluvae.