John 2:19 - Sümi Tiqhelimi Bible

¹⁹ Jisü no panongu khochile, “Achineki hipau kuboleve lo. I no atsala küthü dolo no itaghi hipau müla pukuve tsü nanie.”

BAIBEL (BSI)

¹⁹ Jisu no khochile: “Achineki hipau xavelo eno ghulo kuthu dolono ino shipuku kitheve nike.”

Sumi Naga CL (Re-edited) Bible (BSI)

¹⁹ Jisü no khochile: “Achineki hipau kütsave lo, eno I no ghulo küthü lono shiqheve tsüni.”

John 2:19 ပူးပေါင်းရင်းမြစ်များ

MATTHEW 12:40

Kughengu Jonah no pucho tsalà küthü eno putho tsalà küthü akha kuloghi kive lo ngove ketoi, Timi Nu ghí pucho tsalà küthü eno putho tsalà küthü ayeghi pola lo ngo nani.

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

MATTHEW 27:40

ghi ishi pi, “No ye achineki kuboleve no atsala küthü lono shiqhepukuve niye kutò anike kumo? O likhi O xalulo! Tsalá nono Alhou Nu shi aghí aye, kros lono iqighive julo!”

MATTHEW 27:63

Panongu no pi, “Akijeu, ningu no kümsülu akeu ye, timi pishikiqhiu hupau no xüakelo, ‘atsala küthü thiu ni ye xülethuve nani,’ ipi ake.

Mark 14:58

“Pa no ishi pi aghí keu ningu no chilue, ‘I no timi u no mülà keu chineki hipau kütsave nani eno atsala küthü dolo no timi u no mülàmo keu kütau mülaqhive nani.’ ”

Mark 15:29

Tipau vechesü wukemiqo no Jisü thaigha keu tsa pa shou pipuku eno panongu kütsü küngü ghi ishi pi, “No ye achineki kuboleve no atsala küthü lono shiqhepukuve niye kutò anike kumo?

Mark 8:31

Tisheno Jisü no akhopemiqo vilo Timi Nu ye aghime jeli ithulu moayesa keu eno kichimi, achinetomi eno ayeza kükütsümiqo no pa milive nikeu eno pa ye pìthíve moayesa nikeu eno atsala küthü thiu ye xülethuve nikeu pesü kütsüe.

John 11:25

Jisü no li vilo pi, “Ni ye xülekuthuu eno aküxü ke. Khuu no I pülüni keno panongu ye thive namu xüluve nanie;

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Apostolmi 2:32

Alhou no Jisü hipau pe xüputhuvae eno ningu kümtsü tipauw thopimiqo ke.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 3:26

Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

Apostolmi 6:14

Kughengu pa no Nazareth nó ghami Jisü no a-a hipau kütsave nani eno Moses no akukhuaye ningu tsü no pekishe ighi keu kilive tsü nani ipikeu ningu no chilue.”

Rommi 4:24

ikemu ningu ghenguno ghí ke. Tiye ningu khunoqo no ningu Mpeu Jisü akithí lono xüputhuve tsü keu Lhou shou pülübeni keno pa no ningu ghí achipiu mikuchomi kepi kihitsü nani.

Rommi 6:4

Tighenguno ningu ye baptiz shikeu vechewo pa gholo thive no qho küqhavae, tishi keu vechewo Apù juküvü vechewo akithí lono Khristo xüputhuve keu toi, ningu ghí aküxü kithé xülu peniye ke.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

1 Kor. 15:12

Tsalá Khristo ye akithí lono xüputhuve kepi kütsü che ghí aye nongu gholo khami ye kíshi no kithimi xülekuthu shikeu küha ipi cheni kea?

Kolosiami 2:12

Baptiz shikeu vechewo Khristo gholo qhovea ke, eno nongu ghí Alhou no akithí lono Khristo xüputhuve keu küká no mülà akeu lo nongu küpülü vechewo Khristo gholo nongu ghí xüputhuvea ke.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.