John 2:11 - Sümi Tiqhelimi Bible

¹¹ Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

BAIBEL (BSI)

¹¹ Jisu no amchipu kumla shikeu gholo hino atughushi Galil yeghi lo Kana phu lono shike, eno pa kimthe jukuvu pephepiyeno pa khopemino pa puluve.

Sumi Naga CL (Re-edited) Bible (BSI)

¹¹ Jisü no amchipu kümla shikeqo gholo hi Galilee cheaxü Cana lo shikeu no atüghüu, eno hileno pa juküvü pephe piye; eno pa khopemi no pa pülüve.

John 2:11 ပူးပေါင်းရင်းမြစ်များ

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 1:43

Tishiwo thoghiu Jisü ye Galilee lo wuni keu shive. Philip ithulu no Jisü no pa vilo pi, “I papelo.”

John 1:50

Jisü no pi, “No ye I no O vilo mububo qholo no ithulu ipikeu ghenguno pülü anie. Ikemu no ye thime tipau nguno akijeu ithuluni aphie.”

John 10:41

eno timi kutomo no pa lau ighi. Panongu no pi, “John ye khilemu amichipu kümlà lakhimu shimoe, ikemu pa no timi hipau ghili pikeu kümtsü kuchou ke.”

John 11:15

eno nongu ghenguno I no tila aghimo keu hu no I lovi ani, tishianguno nongu pelo pülülu peniye ke. Ike ningu pa lau wuni shilo.”

John 11:47

Ikelo achinetomi eno Phariseemiqo no Jewmi Hoho kukütsü püzü no aküküpütsa shi. Panongu no ishi iniju, “Ningu ye kíshiveni kea? Timi hipau no hilehi amichipu kümlà kutomo shi anie.

John 12:18

Timi kutomo no pa no amichipu kümlà hipau shikeu chilu keu ghenguno pa sasü kusho niye wu.

John 12:37

Jisü no panongu nhekithe lono amichipu kümlà kutomo shi kethiu ghí panongu ye pa shou pülümoe.

John 12:41

Isaiah ye Jisü juküvü ithulu keu ghenguno Jisü ghili hipau pike.

John 14:13

Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

John 16:27

Moe, Apù ampi no nongu kimiye chenie kughengu nongu no I kimiye ke eno ni ye Alhou lau no ighi kepi pülü cheni ke.

John 16:30

No ye thowkha kümtsü ithi akeu eno khunomu O vilo iniju akepu kühae ipi ningu no ithivae. Hipau lono ningu pelo no ye Alhou lau no ighi kepi pülülupe ke.”

John 2:1

Atsala aküthüniu Galilee lo Cana ipikeu phu lo külakupu lakhi shia. Ikelo Jisü pazá ghí tilehi ae,

John 2:23

Ike pa no Jerusalem lo Hechekulu ghulhu Tiqhitini lo akelo timi kutomo no pa no amichipuqo shikeu ithulu no pa shou pülübeluve.

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 4:3

Ikehu Jisü ye Judea qhive no itaghi ghuthu lakhi Galilee lo idewove.

John 4:46

Jisü ye itaghi Galilee lo mishiphu Cana xujue, tiye pano azü pe atsaizü kughulhove keu-a ke. Tilehi akükau nobolomi hiyampemi lakhi nopu sǘve no Capernaum lo ae.

John 4:54

Hiye Jisü no Judea lono Galilee lo ighive kethiu amichipu kümlà shikeu akiniù ke.

John 5:23

tishianguno kümtsü no Apù gihu cheke toi Anu gihu peniye ke. Khukhumu Anu gihumo keu ye Apù khuu pa puwu keno pa ghí gihu chemoe.

John 6:14

Jisü no amichipu kümlà shikeu ithuluve kethiu timiqo no ishi pi, “Kuchou no hiye ayeghi lo ighi niye piakeu Tungkupuu ke.”

John 6:2

ikelo timi kutomo no Jisü no küsükinimi shipivi keu vechewo amichipu kümlàqo shikeu ithulupüa kehu panongu ye Jisü pape ighie.

John 6:26

Jisü no khochile, “Kuchou no I no nongu vilo pìní, nongu ye I no amichipu kümlàqo shikeu ithulu keu ghenguno kumo püzü nongu no asho chu no nongu kive pichhilu keu ghenguno I phu chenie.

John 6:30

Ike panongu no pa vilo iniju, “Tishiaye ningu no ithulu no O pülü kepu shini ke ghenguno no ye amichipu kiu tsü nani ke? No ye kiu shi nani kea?

John 7:31

Tishimu, aqokitikhi dolo timi kutomo no pa pülüluve. Panongu no pi, “Kughou Messiah ighini keno, pa ye timi hipau nguno akichiù amichipu kümlàqo shi nani keshea?”

John 9:16

Phariseemiqo khami no pi, “Timi hipau ye Alhou lau no ighi kemi kumoe, kughengu pa ye Sabbath tsalà ikhilu amoe.” Ikemu kütamiqo no iniju, “Kíshi no axinemi lakhi ye amichipu kümlà hitoi keqo shilu nani kea?” Ikehu panongu dolo kijethave.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

1 John 5:13

Ni ye nongu khunoqo no Alhou Nu je shou pülü cheni keno nongu lau thime hipaqo yè ani, tishianguno nongu pelo nongu ye lhokta küxü ani kepi ithi peniye ke.