John 19:30 - Sümi Tiqhelimi Bible

³⁰ Kughou pa no akiqhizü yeluve keno, Jisü no pi, “Hiye shikupuvae.” Ti pive no pa ye pa kütsü pishiqhove püzü süthahuve.

BAIBEL (BSI)

³⁰ Jisu no akiqhi-ji muqaluve puzu ishipi, “Hiye shikupuvae!” Eno pa kutsu ihoiqive puzu thive.

Sumi Naga CL (Re-edited) Bible (BSI)

³⁰ Jisü no akiqhi ji mqaluve no pi, “Hi no kishekhavae.” Eno pa kütsü ihoiqive no thive.

John 19:30 ပူးပေါင်းရင်းမြစ်များ

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

MATTHEW 27:50

Eno kughou Jisü no itaghi asütsa kuloghi shi igha keno, pa ye süthahuve.

MATTHEW 3:15

Jisü no khochile, “Itehi ghengu ye ishi aghivelo; achipiumikucho kümtsü shikupu nike ghenguno hipau shikeu no achipi ke.” Tile no John no pulove tsü.

Mark 15:37

Jisü no aghügha kuloghi shi igha no pa thuthu süthahuve.

Luke 22:37

Ishi yèpüani, ‘Pa ye ayeza hekibidemiqo gholo kihisüve’; eno I no nongu vilo piakeu toi hiye I lau no shikupuve moayesae. Iyei, I ghenguno kiu yèpeqhi keno shikupuveni cheae.”

Luke 23:46

Jisü no asütsa kuloghi lono igha no pi, “Apùo, O u lo I ghungu kulhoqhive tsü ani.” Kughou pa no hi pive keno, pa ye süthahuve.

John 10:11

“Ni ye ambe kheu kiviu ke. Ambe kheu kiviu ye ambeqo ghenguno pa küxü tsüve cheni.

John 10:18

Khunomu I lau no aküxü ikhiluve mülae, ikemu I no I ghò shi no ikhiphe pe tsüve anike. Ni ye ikhiphe pe tsü nikeu ngò ikhi chileluve kepu kükagha anie. Ni ye I pù lau no azakütsü hipau ithulu ke.”

John 17:4

Ni ye nono I pichetsü keu kümlà shikupulu keu vechewo ayeghi lo ajuküvü pe O tsüke.

John 19:28

Tithiu, Jisü ye thowkha kümtsü shikupuve keu ithive eno Kuchoyesü shikupu nike ghenguno, “Ni ye tüghüthi anie,” ipi.

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

Rommi 10:4

Küpülümi kümtsü pelo achipikalu penike ghenguno Khristo no ayeza kishekhave tsüke.

Rommi 3:25

Alhou no Khristo pesü aghakishi kümlagho lakhi shi ikhiphe pesü tsü, tiye pa jì pele keu vechewo—eno tiye aküpülü lono ikhilu peniye ke. Alhou no hipau shikeu ye itodolo pa chipiumikucho pephe-piye niye ke, kughengu paw küsüqhikulu lono timiqo no wove keu lo axiné shive keu aghime tsümove no juzüve tsüke.

1 Kor. 5:7

Kholaqhi aqa hu ye shikimtheve lo, tishianguno nongu ye kholaqhi sümo keu asho kukunu akitheu shilu peniye ke—kuchou lo nongu ye kholaqhi sümo keu sho akitheu ke. Kughengu ninguw Hechekulu ambeti Khristo no ningu ghenguno aghakishi shivea ke.

FILIPIAMI 2:8

Pa ye pa likhi pa pesü aqhokigheu shikeu vechewo kros lo thike kutólo ghí aghokulu shike!

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 9:22

Kuchou lo, ayeza kiqi lo ye ajì pesü thime kümtsü shikimthe moayesa ke, eno ajì kichijimo kelo ye akipimí qhikütsü küha ke.