John 18:37 - Sümi Tiqhelimi Bible

³⁷ Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

BAIBEL (BSI)

³⁷ Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

Sumi Naga CL (Re-edited) Bible (BSI)

³⁷ Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 18:37 ပူးပေါင်းရင်းမြစ်များ

MATTHEW 26:64

Jisü no khochile, “Nono ti pivae, ikemu I no nongu kümtsü vilo piani: Hinguno hilau ye nongu no Timi Nu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

MATTHEW 27:11

Tishi akelo Jisü ye angh zülo puthughoe, eno angh no pa vilo iniju, “No ye Jewmiqo kükau keshea?” Jisü no khochile, “Nono ti pivae.”

Mark 14:62

Ikelo Jisü no pi, “Tihu Ni ke! Eno nongu no Timi Nu hu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Mark 15:2

Pilate no iniju, “No ye Jewmiqo kükau keshea?” Jisü no khochile, “Nono ti pivae.”

Luke 22:70

Panongu kümtsü no iniju, “Imaye no ye Alhou Nu keo?” Jisü no khochile, “Ni ye tike ipi nongu no pivae.”

Luke 23:3

Ikehu Pilate no Jisü vilo iniju, “No ye Jewmiqo kükau keshea?” Jisü no khochile, “Nono ti pivae.”

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 3:32

Pa ye pa no kiu chilu eno ithulu keno tipau shepe shike, ikemu khunomu pa shepe ikhilumoe.

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

John 8:14

Jisü no khochile, “I no I likhi I züqhu shi thopi shi aghimu iw thopi ye peithakulupu ke, kughengu ni ye khilau no ighi eno khila wu niye shi ani keno I no ithi anie. Ikemu ni ye khilau no ighi momu khila wucheni keno nongu ye khumu mthae.

John 8:45

Tishimu I no kuchou tsa nongu vilo pikeu ghenguno, nongu ye I pülümo ke!

John 8:46

Nongu khuala no ni ye axiné shivea ipikeu kipimí I tsülu nani keshea? I no kuchou tsa pi aghí aye nongu ye kushiye I pülümo kea?

John 8:47

Khukhumu Alhou laumi ye Alhou tsa ini cheni. Nongu no inimo keu ye nongu no Alhou laumi kumo keu ghenguno ke.”

1 Tim. 6:13

Thowkha kümtsü aküxü tsü chekeu Lhou eno Khristo Jisü khuu Pontius Pilate gizülo thopi shi akelo akivi pikiphe shi keno pa zülo no I no O pichetsü ani,

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 John 2:21

Ni ye nongu no kuchou mtha ke ghenguno nongu lau yè anike kumoe, ikemu nongu no ti ithi akeu ghenguno eno kuchou lau no akimiki lakhimu ighi chemo keu ghenguno ke.

1 John 3:14

Ningu no ithi akeu no ningu ye akithí vechesü aküxü lo ipeghi luvea, kughengu ningu ye lakhi no lakhi kimiye cheni. Khuno no kimiye chemo keno akithí lo achephi ke.

1 John 3:19

Ningu ye kuchou laumi eno ningu mlo ye kíshi pa zülo akulhoqhilu cheni keno ningu no hitoi ithi acheni:

1 John 4:6

Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.