John 17:1 - Sümi Tiqhelimi Bible

¹ Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

BAIBEL (BSI)

¹ Jisu no hipaqo pitave kethiu pa gi peqhepe kungughalo juno pi, “Apuo, atuqhudo hu ighivae, oNu jepipi tsulo tishianguno Anu pelo ojepipi tsupenike.

Sumi Naga CL (Re-edited) Bible (BSI)

¹ Jisü no hipaqo pive kethiu pa gi peqhepe kungugha lo juno pi, “Apu, atüqhüdo ye ighivae, O Nu pelo O juküvüpu shilu penike O Nu juküvüpu shitsülo.

John 17:1 ပူးပေါင်းရင်းမြစ်များ

Mark 14:41

Aküthüu ideighi kelo, Jisü no pano küthü vilo pi, “Nongu ye itehi kutólo akulhoqhi zü aphi keshea? Kughomae! Ado hu ye ighivae. Julo! Timi Nu ye axinemiqo u lo phesüve tsüae.

Luke 18:13

“Ikemu zame küqhau ye putou puthugho no pa gi atsütsǘ küdaumu jupukumoe, ikemu pa mülà kukhu ghi pi, ‘O Alhou, I kimiye tsülo, ni ye axinemi lakhie.’

Luke 22:53

Ni ye nongu gholo tsalà kipetsü achineki khalau achemu nongu lakhimu I shou au bupukumoe. Ikemu hipau tüqhüdo ye nonguw ke tiye àküzǘ no ka nikeu ke.”

John 11:4

Jisü no hipau chilu kelo ishi pi, “Aküsǜ hipau ye akithí shivemo nani. Moe! Hiye Alhou juküvüpu ghenguno ke, tishianguno hipau vechewo Alhou Nu juküvü shilu peniye ke.”

John 11:41

Ikehu panongu no atuqu ikhive. Tisheno Jisü no pishipuku ju no pi, “Apùo, nono I kighini chilutsü keu ghenguno O shikimthi.

John 12:23

Ikelo Jisü no khochile, “Timi nu juküvüpu shini keu tüqhüdo ighivae.

John 13:1

Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 16:32

“Ado lakhi chenie eno kuchou lo ye tihu ighivae, tipa ghuloki lo nongu ye pütüta ki lo apanaghave nani. Nongu ye I likhi qhive nani. Ikemu ni ye I likhi ani chemoe, kughengu I pù ye I gholo ani.

John 7:30

Tishi akelo panongu no Jisü kügha niye shi, ikemu pa do ighimo no ake ghenguno timi lakhimu pa shou au bepukumoe.

John 7:39

Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

John 8:20

Atsa hipaqo ye achineki khala lo akümlaghoqo süche keu phivilo kütsü ake lono pikeqo ke. Ikemu pa do ighimo no akehu timi khumu pa küghamoe.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.